Zyakwaambilizya

◼ Mabbuku akwaabila mu May: Mamagazini aa Ngazi Yamulindizi alimwi a Sinsimuka! Nomupilukila kubantu ibakatondezya luyandisisyo, kubikkilizya abaabo ibakajanika ku Ciibalusyo naa kumiswaangano imwi, pele batajaniki-janiki kumbungano, amubikkile maano kutalisya ziiyo zya Bbaibbele kubelesya bbuku lya Bbaibbele Ncoliyiisya. June: Ino Ncinzi cini Bbaibbele Ncoliyiisya? Amusolekesye kutalisya ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli alimwi bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa ili yoonse iijisi makani aamukkomanisya muntu. July a August: Kufwumbwa broshuwa akati kayaaya aamapeeji aali 32 aakonzya kukkomanisya bantu bamucilawo canu: Iciindi Muntu Ngomuyanda Nafwa, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, Mulakonzya Kuba Mulongwe wa Leza, The Bible—What is Its Message?, Jehovah’s Witnesses—Who Are They?, alimwi ayakuti, Sena Mwakaijana Kale Inzila Iisololela Kubuumi Butamani?