Zyakwaambilizya

◼ Mabbuku akwaabila mu October: Mamagazini aa Ngazi Yamulindizi alimwi a Sinsimuka! Ikuti naa batondezya luyandisisyo, amubaabile katulakiti kakuti Sena Mulayanda Kuzyiba Bwiinguzi Bwakasimpe? alimwi amusolekesye kutalisya ciiyo ca Bbaibbele. November: Broshuwa yakuti The Bible-What Is Its Message? Kuyungizya ali yeeyi broshuwa, amwaabile kufwumbwa mabroshuwa aamapeeji aali 32 akaabilwa mu July a August 2011 (amubone Mulimo Wesu wa Bwami wamu July a August). December: Muntu Mupati Kwiinda Iwakaponede Kale. Ikuti kakuli bana aŋanda, amwaabile bbuku lyakuti Amwiiye Kumwiiyi Mupati naa Bbuku Lyangu lya Makani Aamu Bbaibbele. January 2012: Ino Ncinzi Cini Bbaibbele Ncoliyiisya? Amutalisye ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli alimwi bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa iili yoonse iijisi makani aamujatikizya muntu.

◼ Waini wa Ciibalusyo: Mbungano zili muminzi zilakonzya kooda waini lino. Amutumine foomu ya S-20 (Ifoomu Yakutumina Mali Aakusanga) antoomwe amali. Amulembe kabotu-kabotu kuti “FOR WINE” amuzila nsini. MUTALEMBI lugwalo naa kutuma foomu ya S-14 (Foomu Yakoodela Mabbuku) pe, pele S-20 ilikke. Ikuti tiimwatuma mali, tamukatuminwi waini pe. Muulo wakabbodela ka 500ml ngu K20,000.00. December 31, 2011 mbobuzuba bwamamanino bwakooda. Waini uyootumwa mu February 2012.