Myeelwe Iijatikizya Mulimo Wamumuunda

Kuzwa kumatalikilo amwaka wamulimo wa 2011 mu September mwaka wamana, twalibonena kupangwa kwambungano zipya zili 101. Alimwi eeci capa kuti kupangwe mabazu mapya aali 6. Mbubwenya Jehova mbwaakasinsima kwiinda mubasinsimi ba Hagai a Isaya, uzungaanya zisi “[a]zintu ziyandisi zyazisi zyoonse” kuti ziboole ‘kucilundu caŋanda yakwe’ yakukombela. (Hagai 2:7; Isaya 2:2, 3) Cakutadooneka, eeci cacitika akaambo kabasikumwaya boonse ibabeleka canguzu mukukambauka alimwi akupanga basikwiiya. Tulabalumba basikumwaya boonse akaambo kabusungu bwabo alimwi aluyando ndobatondezya.