Zyakwaambilizya
◼ Mabbuku aakwaabila mu January 2012: Ino Ncinzi Cini Bbaibbele Ncoliyiisya? Amutalisye ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli pele bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa iili yoonse iijisi makani aamujatikizya muntu ooyo. February: Basikumwaya balakonzya kwaabila kufwumbwa bbuku akati kayaaya aatobela: Is There a Creator Who Cares About You?, Nzila Yakujana Lukkomano Mumukwasyi, The Bible-God’s Word or Man’s? March: Ino Ncinzi Cini Bbaibbele Ncoliyiisya? Amutalisye ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli pele bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa iili yoonse iijisi makani aamujatikizya muntu ooyo. April: Mamagazini aa Ngazi Yamulindizi a Sinsimuka! Ikuti naa batondezya luyandisisyo, amubaabile katulakiti kakuti Sena Mulayanda Kuzyiba Bwiinguzi Bwakasimpe? alimwi amusolekesye kutalisya ciiyo ca Bbaibbele. Nomupilukila kubantu ibakajanika ku Ciibalusyo naa kumiswaangano imwi, pele batajaniki-janiki kumbungano, amubikkile maano kutalisya ciiyo ca Bbaibbele kwiinda mukubelesya bbuku lya Bbaibbele Ncoliyiisya?
◼ Kutalikila mu February, makani aabuleya mapya aabalangizi bamabazu anoojisi mutwe wakuti, “Sena Jehova Ngomusyoma?”
◼ Kutalikila mu February 1, 2012, Ngazi Yamulindizi yabuleya inoobikkilizya acibalo cakuti “Nzyondiiya Kuzwa mu Bbaibbele.” Cabambilwa kugwasya bazyali kuti kababelesya kuyiisya bana babo bajisi myaka yakuzyalwa yotatwe naa iitasiki aawo, cibalo eeci cinoocincana-cincana azibalo zyakuti “Amubayiisye Bana Banu” alimwi a “Cibeela Cabakubusi.”
◼ Mbungano zyeelede kusinizya kuti lipooti yambungano yamulimo wamumuunda yamwezi-amwezi yatumwa kuofesi yamutabi cakufwambaana mwezi amwezi. Mbungano zituma malipooti kwiinda mukubelesya mootokala wa Sosaiti zyeelede kusinizya kuti malipooti asika aawo mpaatambwidwa mabbuku kumatalikilo amwezi, mootokala uuleta mabbuku kautanasika. Balembi bayoocita kabotu kutuma lipooti yambungano (naa malipooti aamukide) kwiinda mukutuma kagwalo kaafooni kubelesya namba eeyi (0977 34 52 35) naa kubelesya kkeyala eeyi yakutumina magwalo kubelesya Intaneti (InboxReportZMB@zm.jw.org) Eeci ciyoogwasya mbungano kuti kazituma malipooti lyoonse.