Zyakwaambilizya

◼ Mabbuku aakwaabila mu February: Basikumwaya balakonzya kwaabila kufwumbwa bbuku akati kayaaya aatobela: Is There a Creator Who Cares About You?, Inzila Yakujana Lukkomano Mumukwasyi, The Bible-God’s Word or Man’s? March: Ino Ncinzi Cini Bbaibbele Ncoliyiisya? Amutalisye ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli pele bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa iili yoonse iijisi makani aamujatikizya muntu ooyo. April a May: Mamagazini aa Ngazi Yamulindizi a Sinsimuka! Ikuti naa batondezya luyandisisyo, amubaabile katulakiti kakuti Sena Mulayanda Kuzyiba Bwiinguzi Bwakasimpe? alimwi amusolekesye kutalisya ciiyo ca Bbaibbele. Nomupilukila kubantu ibakajanika ku Ciibalusyo naa kumiswaangano imwi, pele batajaniki-janiki kumbungano, amubikkile maano kutalisya ciiyo ca Bbaibbele kwiinda mukubelesya bbuku lya Bbaibbele Ncoliyiisya?

◼ Makani aalubazu aayoopegwa kumamanino aamvwiki caakwiinda Ciibalusyo anoojisi mutwe wakuti “Sena Mamanino Alaafwaafwi Kwiinda Mbomuyeeya?”

◼ Lyoonse mwayanda kuswaya cisi citabikkidwe amulongo wazisi uuli mulipooti yamulimo wamwaka naa kuti kkeyala yacisi eeco tiilembedwe apeeji lyamamanino mu Yearbook mpya, mwalombwa ikubuzya kuofesi yamutabi kutegwa bamwaambile naa kuli mapenzi ngomweelede kulangila, naa kumupa malailile aalubazu ngomweelede kutobela. Mulimo wa Bwami kubusena ooko ambweni ulikasyidwe. (Mt. 10:16) Mumasi aamwi, inga tiicagwasya pe kuti beenzu batalika kubandika a Bakamboni bamucilawo eeco naa mbungano. Mulakonzya kupegwa malailile aamwi kujatikizya mbomukonzya kucita bukambausi bwamukwiizya naa kunyamuna mabbuku. Ikutobela malailile aaya kuyoopa kuti mweelebe mapenzi aakonzya kumucitikila naa mapenzi aakonzya kunyonganya mulimo wa Bwami mucisi momwaswaya.—1 Kor. 14:33, 40.