Zyakwaambilizya

◼ Mabbuku aakwaabila mu March: Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli pele bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa iili yoonse iijisi makani aabajatikizya bantu aabo. April a May: Mamagazini aa Ngazi Yamulindizi alimwi a Sinsimuka! Ikuti naa batondezya luyandisisyo, amubaabile katulakiti kakuti Sena Mulayanda Kuzyiba Bwiinguzi Bwakasimpe? alimwi amusolekesye kutalisya ciiyo ca Bbaibbele. Nomupilukila kubantu ibakajanika ku Ciibalusyo naa kumiswaangano imwi, pele batajaniki-janiki kumbungano, amubikkile maano kutalisya ziiyo zya Bbaibbele kwiinda mukubelesya bbuku lya Bbaibbele Ncoliyiisya. June: Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli pele bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa iili yoonse iijisi makani aabajatikizya bantu aabo.

◼ Ciibalusyo ciyoocitwa muli Bwane, April 5, 2012. Ikuti mbungano yanu kaicita miswaangano muli Bwane, eeyi yeelede kucitwa mubuzuba bumbi mumvwiki ikuti kaikonzya kubelesyegwa Ŋanda ya Bwami. Ikuti eeci kacitakonzyeki alimwi kacijatikizya Muswaangano Wamulimo wanu, zibeela zigwasya kapati kumbungano yanu inga zyabikkilizyigwa mu Muswaangano Wamulimo wamunsondo iimbi.

◼ Mavidiyo obilo a Young People Ask, yomwe yakuti How Can I Make Real Friends? alimwi ayakuti What Will I Do With My Life?, ayoolangwa-langwa mu Muswaangano Wamulimo uuboola. Ikuti kwayandika, mulakonzya kooda kwiinda mumbungano kakucili ciindi.