Zyakwaambilizya

◼ Mabbuku aakwaabila mu June: Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli pele bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa iili yoonse iijisi makani aabajatikizya bantu aabo. July alimwi a August: Amubelesye yomwe broshuwa akati kayaaya aatobela aajisi mapeeji aali 32: Sena Mwakaijana Kale Inzila Iisololela Kubuumi Butamani?, Myuuya Yabafwide—Sena Inga Yamugwasya Naba Kumucisa? Sena Ncobeni Kwiili?, Iciindi Muntu Ngomuyanda Nafwa, alimwi ayakuti Mulakonzya Kuba Mulongwe wa Leza! Ciindi nomupilukila, amubaabile bbuku lya Bbaibbele Ncoliyiisya, naa kuti kaceelela kweelana aziyandika zyamuntu ooyo, broshuwa yakuti Amumuswiilile Leza naa Amumuswiilile Leza Kutegwa Mukapone Kukabe Kutamani, alimwi amusolekesye kutalisya ciiyo ca Bbaibbele. September: Mamagazini aa Ngazi Yamulindizi a Sinsimuka! Ciindi nomupilukila, amubaabile bbuku lya Bbaibbele Ncoliyiisya, naa kuti kaceelela kweelana aziyandika zyamuntu ooyo, broshuwa yakuti Amumuswiilile Leza naa Amumuswiilile Leza Kutegwa Mukapone Kukabe Kutamani, alimwi amusolekesye kutalisya ciiyo ca Bbaibbele.

◼ Vidiyo yakuti Our Whole Association of Brothers iyoobandikwa lya Muswaangano Wamulimo kumbele. Ikuti kakuyandika, mulakonzya kooda kwiinda mumbungano.

◼ Kutalikila mu July, Mulimo Wesu wa Bwami unoojanika mu Cilamba. Mulakonzya kuukkopa a www.jw.org.