Zyakwaambilizya

◼ Mabbuku aakwaabila mu March a April: Mamagazini aa Ngazi Yamulindizi a Sinsimuka! Ciindi nomupilukila, amubaabile bbuku lya Bbaibbele Ncoliyiisya, naa kuti kaceelela kweelana anzyayandika muntu ooyo, broshuwa yakuti Amumuswiilile Leza naa Amumuswiilile Leza Kutegwa Mukapone Kukabe Kutamani, alimwi amusole kutalisya ciiyo ca Bbaibbele. May a June: Basikumwaya balakonzya kwaabila imwi akati kamatulakiti aaya aatobela: Amutangale Abuumi Bwamumukwasyi, Mubwini Nguni Ulela Nyika?, naa Sena Mulayanda Kuzyiba Bwiinguzi Bwakasimpe? Ikuti mukamwini ŋanda kajisi luyandisisyo, amumutondezye mbocicitwa ciiyo ca Bbaibbele kwiinda mukubelesya bbuku lya Bbaibbele Ncoliyiisya naa imwi yamabroshuwa aakuti Amumuswiilile Leza naa Amumuswiilile Leza Kutegwa Mukapone Kukabe Kutamani.

◼ Ciibalusyo ciyoocitwa muli Bwabili, March 26, 2013. Ikuti mbungano yanu kaicita miswaangano muli Bwabili, miswaangano eeyi yeelede kucitwa mubuzuba bumbi mumvwiki ikuti naa Ŋanda ya Bwami inga yabelesyegwa. Ikuti kacitakonzyeki kucita Muswaangano wa Mulimo, sicuuno wakabunga kabaalu ulakonzya kuucinca mulongo kutegwa zibeela zya Muswaangano wa Mulimo izigwasya kapati kumbungano yanu inga zyabikkilizyigwa mu Muswaangano wa Mulimo wamunsondo iimbi mukati kamwezi. Imbungano zinoojisi mulangizi wabbazu zyeelede kucinca buzuba mbobacita miswaangano yamuli Bwabili kwiitola kubuzuba bumwi mumvwiki njiyonya eeyo.