Sena Mwanaanu Ulijisi Kkaadi Yakumuzyibya?

Kkaadi Yakuzyibya Mwana (ic) ilakonzya kulombwa kumbungano. Kkaadi eeyi izyibya bana ba Bakamboni ba Jehova ibacili baniini ibatanabbapatizyigwa. Ilijisi makkeyala naa manamba afooni aabazyali alimwi ilapandulula munzila iilimvwisya nzila iitabelesyi bulowa njomwasalila mwanaanu. Mwanaanu weelede kweenda akkaadi eeyi ciindi coonse.

Kunze aakuba a Kkaadi Yakuzyibya Mwana, bakubusi Banakristo beelede kuti kabakonzya kupandulula kabotu-kabotu alimwi cakusinizya ikaambo ncobatazumini kubikkwa bulowa akaambo kabukombi bwabo. (Mil. 15:28, 29) Bazyali balakonzya kucita zitondezyo abana babo kwiinduluka nzila zikonzya kubelesyegwa kutegwa bagwasye bana babo kuba aluzyibo mukupandulula njiisyo zyabo. Sena mulasinizya kuti mwanaanu umwi aumwi uubbapatizyidwe ulabwezelezya DPA kkaadi, alimwi akuti umwi aumwi mwana uutanabbapatizyigwa ulabwezelezya Kkaadi Yakuzyibya Mwana?

[Kabbokesi kali apeeji 6

KKAADI YAKUZYIBYA MWANA

(Zyina lyamwana)

Bazyali:

(Busena nkobakkala)

(Fooni yakuŋanda)

(Fooni yakumaanza)

MAKANI AAYANDIKA AAJATIKIZYA BUSILISI ALI KUNZE

Swebo tobazyali, tulabubikkila maano buumi bwamwaneesu.

Tuli Bakamboni ba Jehova alimwi tulazisyoma kapati nzyolyaamba Bbaibbele. Aboobo, tatuzumini kubikkwa bulowa. (Mil. 15:29) Kuyungizya waawo, cilizyibidwe koonse-koonse kuti kubikkwa bulowa ikubelesya nzila iitegwa allogeneic kulakonzya kutubikka muntenda yakuba amalwazi mbuli hepatitis, HIV, alimwi amalwazi aambi, zyalo nzyotuyanda kweeleba. Pele, tulazumina tubeela tutajatikizyi bulowa pele tuyungizya bulowa alimwi amisamu iipa kuti bulowa buleke kuzwa akuti ma red blood cells avwule. Kuti mwaneesu wajanika muntenda naa waciswa kapati, twamulomba kuti mutuzyibye cakufwambaana. Kuli bamadokota mbotuzyi balemeka zyintu nzyotusyoma alimwi balakonzya kubuzyigwa kujatikizya nzila zimbi zizumizyidwe alimwi zyamazuba aano zitabelesyi bulowa.

(Amusaine aawa)

(Deeti)

(Amusaine aawa)

(Deeti)

ic-CG 3/06