Ino Ncinzi Ncomuyoocita Mumazuba Aakulyookezya?

Mbokunga bantu banji balajanika aŋanda mumazuba aakulyookezya (aazikombelo alimwi aazisi), kanji-kanji eeci nceciindi cibotu cakubeleka mulimo wakukambauka. Mbungano zyakulwaizyigwa kuba abubambe bwaalubazu bwakukambauka mumazuba aakulyookezya. Kuti naa bantu banji bamucilawo banoomuka kubuka, inga cabota kucinca ciindi camuswaangano wamulimo wamumuunda. Cakwaambilizya inga capegwa a Muswaangano Wamulimo kuzibya mbungano bubambe buliboonse bwaalubazu bwakukambauka mumazuba aakulyookezya akubakulwaizya boonse kutola lubazu mumulimo. Masimpe kuti mazuba aakulyookezya alatupa ciindi cakulyookezya akulanganya nzyotuyandika swebo tobeni. Pele sena inga tiicabota kubelesya cibeela cabuzuba oobo kuunka mumulimo wakukambauka? Kuti mwacita oobo, inga mwakkomana kuba azyoolwe ziboola kwiinda mukutola lubazu mumulimo uusetekene ooyu.—Mt. 11:29, 30.