Malipooti Akulwaizya Aajatikizya Mulimo Wamumuunda

Mu November mabroshuwa amatulakiti aayinda ku 540,000 akamwaigwa.

Mu January twakabona kuti akati kambungano zyosanwe mbungano yomwe ilacikonzya kubelesya akkaunti yambungano yaa jw.org. Tulikkomene kuti bakatuma malipooti aambungano kubelesya bubambe oobu. Alimwi website eeyi ilabelesyegwa kulomba mabbuku, kutambula alimwi akutuma magwalo kumutabi alimwi akutuma makani aamwi aayandika kapati. Sena mbungano yanu ilabubelesya bubambe oobu?

Kuyiisyigwa: Tulikkomene kumuzyibya kuti baalu bainda ku 9,700 bakayiisyigwa mu Cikolo Cabaalu Bambungano cansondo yomwe. Mu May, kkilasi yanamba 10 yakamanizya Cikolo ca Balangizi Beendeenda Alimwi a Bamakaintu Babo. Mumwezi nguwenya ooyu basicikolo bamukkilasi yatatu ya Cikolo Cakwiiya Bbaibbele ca Banabukwetene Banakristo bakamanizya akupegwa mulimo wakubelekela kuzisi ziindene-indene zyamu Africa nkoili kumusanza.