Zyakwaambilizya

◼ Mabbuku aakwaabila mu September a October: Mamagazini aa Ngazi Yamulindizi a Sinsimuka! November a December: Ino Ncinzi Cini Bbaibbele Ncoliyiisya? naa tulakiti imwi akati kayaaya aatobela: Ino Bbaibbele Mulibona Buti?, Ino Muyeeya Kuti Kumbele Aamazuba Kunooli Buti?, Ncinzi Cikonzya Kupa Kuti Kube Lukkomano Mumukwasyi?, Nguni Mubwini Weendelezya Nyika?, Sena Kupenga Kuli Nokuyoomana? alimwi ayakuti, Sena Ncobeni Bafwide Balakonzya Kupona Alimwi?

◼ Makani aabuleya aalubazu aapegwa cainda Ciibalusyo aamu 2015 ayoopegwa nsondo ya April 6. Mutwe wamakani aaya uyakwaambilizyigwa aakale. Imbungano zinooswaidwe mulangizi wabbazu naa zinoojisi muswaangano wabbazu mvwiki eeyo, ziyoopa makani aaya mvwiki iitobela. Taakwe mbungano yeelede kupa makani aaya aalubazu kabutanasika buzuba bwa April 6.

◼ Kutalikila mu September, balangizi babbazu banoopa makani aabuleya aajisi mutwe wakuti “Mbotugwasyigwa Abusongo Buzwa kuli Leza.”