Malipooti Aakulwaizya Aajatikizya Mulimo Wamumuunda

Tulikkomene kubona kuti basikumwaya alimwi abapainiya balalipoota mweelwe wamatulakiti amabroshuwa ngobaabila mwezi amwezi. Mu March 2014 kwakaabilwa mweelwe waatala wamatulakiti amabroshuwa aali 754,535. Mwakawoonda mulimo! Mweelwe waatala wanyendo zyakupilukila izyakacitwa kubantu bakatondezya luyandisisyo wakasika ku 1,787,395 akaambo kakuti mwakabeleka canguzu. Tulisinizyide kuti “Simalelo wabutebuzi” uyookulongezya kubeleka canguzu kwanu mukusyanga akutilila mbuto zyaluyandisisyo akuzumanana kupa kuti ‘zikomene’!—Mt. 9:38; 1 Ko. 3:6.