Malipooti Aakulwaizya Aajatikizya Mulimo Wamumuunda

◼ Malipooti Aakulwaizya aamumwaka: Mwezi wa May wakali mwezi uulibedelede mumulimo wakabelekwa mu Zambia. Ku Kabompo, ku Northwestern Province, Ofesi ya Basanduluzi yakusaanguna kuyakwa yakaabwa. Mayake aaya alijisi maofesi alimwi amaanda aakukkala aabasanduluzi bamwaambo waci Luvale. Mayake aaya akatola myaka yiinda kuli yotatwe yakulibambila alimwi akubeleka canguzu. Myezi yiinda ku 15 yakuyaka, basimilimo bali 30 ibazwa muzisi zili 5 alimwi abasikugwasilizya banyenzi, bakalyaaba kubelesya luzyibo alimwi anguzu zyabo kubeleka.

Alimwi tulikkomene kwaambilizya kuti mumwezi nguwenya ooyu, Bbaibbele lya Busanduluzi Bwanyika Mpya lyamuci Luvale lyakagwisyigwa. Eelo kaka bakakkomana kapati bakwesu baambaula mwaambo waci Luvale kuba abusanduluzi bwa Bbaibbele eeli nkaambo libelesya zina lya Leza alimwi lilalimvwisya, lililuzi, alimwi talikatazyi kubelesya mumulimo wakukambauka. Atuzumanane kubelekela antoomwe calukkomano kutegwa ‘bantu bamumikowa yoonse alimwi amumilaka yoonse’ bamuzyibe Jehova alimwi a Bwami bwakwe.—Ciy. 7:9; Mt. 24:14.