Amukondwe Akaambo Kabulangizi Bwanu

Bulangizi buli mbuli ngobyo. (Heb. 6:19) Butugwasya kuyuma kutegwa tutasweeki kumuuya ciindi notujana mapenzi aali mbuli guwo mulwizi mbuli bwato bwaloba. (1Tim. 1:18, 19) Mapenzi aali mbuli guwo alakonzya kubikkilizya akutyompwa, kunyonyookelwa lubono, kuciswa kwaciindi cilamfwu, kufwidwa muyandwa, naa cintu cili coonse icikonzya kunyonganya kusyomeka kwesu.

Lusyomo alimwi abulangizi zitugwasya kubumvwisya bulumbu ibwakasyomezyegwa. (2Kor. 4:16-18; Heb. 11:13, 26, 27) Aboobo, taciko makani naa bulangizi bwesu mbwakujulu naa anyika, tweelede kubuyumya kwiinda mukuzinzibala kuyeeya zisyomezyo izilembedwe mu Jwi lya Leza. Mpoonya, ciindi notwapenga mumizeezo akaambo kamasunko, ciyakuuba-uba kuzumanana kukondwa.—1Pet. 1:6, 7.

AMWEEBELELE KAVIDIYO KAKUTI AMUKONDWE AKAAMBO KABULANGIZI, MPOONYA MWIINGULE MIBUZYO IITOBELA:

• Nkaambo nzi Musa ncali cikozyanyo cibotu ncotweelede kwiiya?

• Ino mukuli nzi basilutwe bamikwasyi ngobajisi?

• Ino makani nzi ngomukonzya kulanga-langa Mukukomba Kwamumukwasyi?

• Mbuti bulangizi mbobukonzya kumugwasya kulwana mapenzi calusyomo?

• Ino ncinzi ncomulangila kumbele?