Amube Mbuli Josefa​—Amutantamuke Micito Yakutalilemeka

Josefa ncikozyanyo cibotu kulindiswe ikuti twasunkwa kutalilemeka mumakani aakoonana. Ziindi zyoonse mukaintu wasimalelaakwe naakali kusola kumoongelezya, wakali kukaka. (Matl. 39:7-10) Bwiinguzi bwakwe bwakuti: “Ino inga ndacitila nzi cibi cipati cili boobu akubisizya Leza?” bwakali kutondezya kuti wakaliyeeyede kale mbociyandika kuli Jehova kuti banabukwetene kabasyomeka kuli ngobakwetene limwi. Eeci cakamugwasya kubweza ntaamu ciindi naakasunkwa kucita bwaamu. Muciindi cakuwayawaya akulekela mukaintu kuti amupe kucita cibi, wakatija.—Matl. 39:12; 1Kor. 6:18.

AMWEEBELELE KAVIDIYO KAKUTI AMUTANTAMUKE MICITO YAKUTALILEMEKA, MPOONYA MWIINGULE MIBUZYO IITOBELA:

• 

  Ino Jin wakalijana mubukkale buli buti?

• 

  Ino Jin wakalyaambauzya majwi nzi ciindi Mee-Kyong naakamulomba kuti amugwasye kulemba namba?

• Ino kulomba kwa Mee-Kyong kwakamujatikizya buti Jin?

• 

  Ino Jin wakalujana buti lugwasyo?

• 

  Ino ncinzi Jin ncaakacita kutegwa atantamuke bwaamu?

• Ino nziiyo nzi nzyomwaiya mukavidiyo?