MBONO IZILI MU JWI LYA LEZA

Jehova Ulabakamantanya Bantu Bakwe

[Amweebelele kavidiyo ka Makani Aantalisyo Aabbuku lya Myeelwe.]

Bana Israyeli bakali kukkala munkambi kweelana ankamu yamisyobo yotatwe (My. 1:52, 53; w94 12/1 9 ¶4)

Nkambi yabana Israyeli andiza yakali kusika ku 3,000,000 naa kwiinda (My. 2:32, 33; it-1 397 ¶4)

Jehova uyanda kuti bantu bakwe kabamukomba kweelana abubambe mbwabikkide. Oobo mbocakabede kubana Israyeli, alimwi buya mbocibede asunu.—1Kor. 14:33, 40.

Nkambi yabana Israyeli mboyakabede ikuti yalangilwa mujulu. Tente lyakubunganina lyakali akati. Afwaafwi atente lyakubunganina kwakali mikwasyi yamusyobo wa Levi: Aroni wakali kujwe, bana Kohati bakali kumusanza, bana Gerisoni bakali kumbo, kumane bana Merari bakali kunyika. Misyobo iili 12 ya Israyeli yakali alamfwu-lamfwu. Isakara, Juda, a Zebuloni bakali kujwe. Gadi, Rubeni, a Simeoni bakali kumusanza. Benjamini, Efraimu, a Manase bakali kumbo. Nafutali, Dani, a Aseri bakali kunyika.

AMULIBUZYE KUTI, ‘Mbuti mbondikonzya kutondezya kuti ndilaigwasyilizya cakumaninina mbunga ya Jehova?’