Nzila Zyotatwe Mbotukonzya Kusyoma Jehova

Davida wakamuzunda Goliati akaambo kakuti wakasyoma Jehova. (1Sam. 17:45) Jehova ulayanda kutondezya nguzu zyakwe ikugwasya babelesi bakwe boonse. (2Mak. 16:9) Ino mbuti mbotukonzya kusyoma Jehova muciindi cakusyoma luzyibo lwesu alimwi azintu nzyotukonzya kucita? Nzeezyi nzila zyotatwe:

• Amupaile lyoonse. Tamweelede kupaila buyo kulomba kulekelelwa nomwacita cibi pele amupaile anomwasunkwa. (Mt. 6:12, 13) Alimwi tamweelede kupaila buyo kuti Jehova akulongezye kusala nkomwapanga kale, pele amupailile busolozi alimwi abusongo bwakwe kamutanapanga zyakusala.—Jak. 1:5

• Amube abubambe busitikide bwakubala Bbaibbele alimwi akwiiya. Amubale Bbaibbele abuzuba. (Int. 1:2) Amube aciindi cakuzinzibala kuyeeya zikozyanyo zyamu Bbaibbele, alimwi akubelesya ziiyo nzyomwiiya. (Jak. 1:23-25) Amulibambile kamutanaunka mubukambausi muciindi cakusyoma zintu nzyomwakacita musyule. Kutegwa mukagwasyigwe kapati amiswaangano yambungano, amulibambile kabotu.

• Amubelekele antoomwe ambunga ya Jehova. Amwaazyibe malailile mapya aazwa kumbunga, alimwi akwaatobela cakufwambaana. (My. 9:17) Amubamvwide baalu nobapa lulayo amalailile.—Heb. 13:17

AMWEEBELELE KAVIDIYO KAKUTI KUNYINA KAAMBO KEELEDE KUTUPA KUYOOWA KUPENZYEGWA, MPOONYA MWIINGULE MIBUZYO IITOBELA:

• Ino nzintu nzi nzyobakali kuyoowa bakwesu abacizyi aaba?

• Ino ncinzi cakabagwasya kuliyumya nokuba kuti bakali kuyoowa?