KUPONA BUUMI BWA BUNAKRISTO
Amulikwabilile Kuli Basiluleyo
Saatani abasikumutobela kanji-kanji basanganya makani aamasimpe aakubeja kutegwa banyonganye lusyomo lwesu. (2Kor. 11:3) Mucikozyanyo, bana Asuri bakaamba makani aatajisi bumboni bukkwene alimwi amakani aakubeja kutegwa batyompye bantu ba Jehova. (2Mak. 32:10-15) Basiluleyo babelesya nzila zikozyenye mazuba aano. Ncinzi ncotweelede kucita twamvwa njiisyo zyabasiluleyo? Mbubwenya mbotukonzya kucita kuti twazyiba kuti batupa cakulya cijisi musamu uujaya! Mutasoli kuzibala, kuziinduluka kwaambila bamwi naa kubaingula. Kamufwambaana kwaazyiba makani aabambilidwe kumupa kudooneka Jehova ambunga yakwe, mpoonya akwaakaka!—Jud. 3, 4.
AMWEEBELELE KAVIDIYO KAKUTI “AMUYUME KULWANINA LUSYOMO”!—KABEELA BUYO, MPOONYA MWIINGULE MIBUZYO IITOBELA:
Nkaambo nzi ncotweelede kucenjela ciindi notubelesya mawebbusaiti aamwi?
Mbuti mbotukonzya kutobela lulayo luli ku Baroma 16:17?