MAY 6-12

MBONO IZILI MU JWI LYA LEZA

1. “Utacimwi Akaambo Kabantu Babi”

(10 min.)

Bantu babi bapa kuti tube amacise aataambiki (Int. 36:1-4; w17.04 10 ¶4)

Kubikkilila “bantu babi” kulakonzya kutuletela mapenzi (Int. 37:1, 7, 8; w22.06 10 ¶10)

Ikuti twasyoma muzisyomezyo zya Jehova, tulakonzya kuba aluumuno (Int. 37:10, 11; w03 12/1 26 ¶20)

Mucizyi uukopene mumizeezo ubala nyuuzi afooni yakwe. Wabona zifwoto zyabasikutalisya manyongwe banyemede, kapokola uutambula cisinkamulomo, basikalumamba ibalizya ntobolo zyabo, mwaalumi uujisi zilwanyo uuli mugalaji, bakabwalala banyamuna zintu nzyobabba, nkondo, alimwi abasikugwasyilizya abusena aazwa mukucitika ntenda yamoota.

AMULIBUZYE KUTI, ‘Sena ndilaikkomanina nyuuzi iijatikizya micito mibi?’

2. Mbono Zyakumuuya

(10 min.)

Int. 36:6—Ino kweelede kuti sintembauzyo wakali kwaamba nzi ciindi naakaamba bululami bwa Jehova kuti buli mbuli “zilundu zipati; [naa, “mbuli zilundu zya Leza,” bupanduluzi buyungizyidwe.]”? (it-2 445)

Bwiinguzi
Ino nimbono nzi zyakumuuya nzyomwakajana mukubala Bbaibbele kwansondo iino nzyomukonzya kwaamba?

Bwiinguzi

3. Kubala Bbaibbele

(4 min.) Int. 37:1-26 (th ciiyo 10)

AMUSUNGWAALE MUMULIMO WAMUMUUNDA

4. Kutalisya Mubandi

(3 min.) KUŊANDA AŊANDA. (lmd ciiyo 1 kaambo 5)

5. Kupilukila

(4 min.) MUBUKAMBAUSI BWAMUKWIIZYA. Amutalisye ciiyo ca Bbaibbele kumuntu wakakakide kaindi. (lmd ciiyo 9 kaambo 4)

6. Makani

(5 min.) ijwbv 45—Mutwe: Ino Majwi Aali ku Intembauzyo 37:4 Aamba Nzi? (th ciiyo 13)

KUPONA BUUMI BWA BUNAKRISTO

7. Sena Mulilibambilide “Ziindi Zyamapenzi”?

(15 min.) Mubandi.

Bakwesu abacizyi munyika yoonse basweekelwa zintu zyakumubili alimwi akufwidwa bayandwa babo akaambo kantenda zilicitikila antenda ziletwa abantu. (Int. 9:9, 10) Cuusisya ncakuti, “ziindi zyamapenzi” zilakonzya kusika kufwumbwa ciindi, aboobo toonse tweelede kuti katulibambilide kulwana mapenzi aayo.

Kunze aakulibambila zintu zyakumubili kaitanacitika ntenda, a ncinzi cimbi cikonzya kutugwasya kuliyumya ciindi noyacitika ntenda?

Amulibambile mumizeezo: Kamuyeeyede kuti ntenda zilacitika, alimwi amuyeeyele limwi zintu nzyomukonzya kucita ikuti ntenda yacitika. Mutaciindizyi kuyanda zintu zyakumubili nzyomujisi. Eeci ciyoomugwasya kuba basongo, alimwi akubikkila maano kukukwabilila buumi bwanu abuumi bwabamwi, muciindi cakukwabilila zintu zyanu zyakumubili. (Matl. 19:16; Int. 36:9) Kuyungizya waawo, ciyoomugwasya kutatyompwa kapati ikuti mwasweekelwa nzinzyo ciindi nokwacitika ntenda.—Int. 37:19
Amuyumye lusyomo lwanu: Amuyumye lusyomo lwanu lwakuti Jehova ulakonzya kumugwasya akuti ulayanda kucita oobo. (Int. 37:18) Kaitanacitika ntenda, lyoonse kamuyeeya kuti Jehova uyoobasololela alimwi akubagwasya bantu bakwe, nokuba kuti tabakonzyi kufwutuka azintu zyakumubili pele buyo buumi bwabo kabuli “cikono.”—Jer. 45:5; Int. 37:23, 24

Ciindi notusyoma kuti Jehova uyoozizuzikizya zisyomezyo zyakwe, uba ‘mampangala eesu ciindi camapenzi.’—Int. 37:39.

Zifwanikiso: Zifwanikiso zitondezya cicitika muvidiyo yakuti “Sena Mulilibambilide Kujatikizya Ntenda?” 1. Mukwesu ubala Bbaibbele. 2. Mayuwe. 3. Makumbi. 4. Bantu banyamuna mpasya zyabo nobayaabwiinda mumaanzi.

Amweebelele VIDIYO yakuti Sena Mulilibambilide Kujatikizya Ntenda? Mpoonya mubuzye mibuzyo iitobela:

Ino Jehova inga watugwasya buti ciindi nokwacitika ntenda?

Bwiinguzi
Ino ncinzi ncotukonzya kucita kutegwa tulibambile?

Bwiinguzi
Mbuti mbotukonzya kubagwasya aabo bajatikizyidwe antenda?

Bwiinguzi

8. Ciiyo ca Bbaibbele Cambungano

(30 min.) bt cibalo 9 ¶8-16

Majwi Aamamanino (3 min.) | Lwiimbo 57 Amupailo

a Amubone Sinsimuka! No. 5 2017, apeeji 4-6.