SEPTEMBER 22-28

MUKAMBAUSI 1-2

Lwiimbo 103 Amupailo | Majwi Aantalisyo (1 min.)

MBONO IZILI MU JWI LYA LEZA

1. Amuzumanane Kuyiisya Zyalani Litobela

(10 min.)

[Amweebelele VIDIYO yakuti Makani Aantalisyo Aabbuku lya Mukambausi.]

Izyalani limwi alimwi lijisi mukuli wakuyiisya zyalani litobela (Muk. 1:4; w17.01 27-28 ¶3-4)

Ciindi notuyiisya bamwi alimwi akubapa milimo yakucita mumbunga ya Jehova, tulabagwasya kuba alukkomano luboola akaambo kakubeleka canguzu (Muk. 2:24)

Mwaalu mukubusi usololela Ciiyo ca “Ngazi Yamulindizi,” mpoonya mukwesu uucembeede alimwi uubala mincali ulamweta-mweta. — Mutaleki kuyiisya bamwi akaambo buyo kakuyoowa kuti baiya balamunyanga milimo

2. Mbono Zyakumuuya

(10 min.)

Muk. 2:11—Ncinzi Solomoni ncaakaiya kujatikizya kubeleka canguzu kutegwa ajane zintu zinji? (w18.12 22 ¶14)

Bwiinguzi
Ino nimbono nzi zyakumuuya nzyomwakajana mukubala Bbaibbele kwansondo iino nzyomukonzya kwaamba?

Bwiinguzi

3. Kubala Bbaibbele

(4 min.) Muk. 1:1-18 (th ciiyo 11)

AMUSUNGWAALE MUMULIMO WAMUMUUNDA

4. Kutalisya Mubandi

(2 min.) MUBUKAMBAUSI BWAMUKWIIZYA. Amuzyibe twaambo tumukkomanisya muntu ooyo, kumane mupange bubambe bwakupilukila. (lmd ciiyo 3 kaambo 5)

5. Kutalisya Mubandi

(2 min.) MUBUKAMBAUSI BWAKUBULEYA. Amwaambile muntu kaambo kamwi kazwa mucibeela cakuti “Makani Aamu Bbaibbele Ngotukkomanina Kuyiisya” icili mumakani aayungizyidwe A mubroshuwa ya lmd. (lmd ciiyo 2 kaambo 3)

6. Kupilukila

(2 min.) MUBUKAMBAUSI BWAMUKWIIZYA. Amwiingule mubuzyo ngwaakamubuzyide muntu ooyo mumubandi wainda. (lmd ciiyo 9 kaambo 5)

7. Kugwasya Bantu Kuti Babe Basikwiiya

(5 min.) MUBUKAMBAUSI BWAKUBULEYA. Amutondezye mbocicitwa ciiyo ca Bbaibbele, mpoonya mupange bubambe bwakupilukila. (lmd ciiyo 10 kaambo 3)

KUPONA BUUMI BWA BUNAKRISTO

Lwiimbo 84

8. Zintu Zyotatwe Ziyandika Kapati Kujatikizya Kuyiisya Bamwi

(15 min.) Mubandi.

Zifwanikiso: Bakwesu bayiisya bamwi milimo iindene-indene. 1. Mukwesu uyiisya mucizyi kubelesya saha lyamalaiti abusena bwamayake. 2. Mukwesu mupati ulalangilila ciindi mukwesu uucili mwana nalibambila makani mu Ŋanda ya Bwami munyina bantu. Mukwesu mupati ujisi broshuwa yakuti “Amusungwaale Kubala Alimwi Akuyiisya.” 3. Mukwesu mupati uyiisya mukwesu mukubusi kubikka mabbatili mumaikkulofooni. 4. Bausyi abana basankwa bobilo basalazya Ŋanda ya Bwami. Bausyi amwanaabo musankwa mupati-pati babelesya vakkyumu kusalazya kucibumbili kakuli mwana umwi upukuta kasitaandi akasani. — Luyando lutupa kuyiisya bamwi kutegwa bauzuzikizye mulimo ngwatupede kucita Jehova

Bbaibbele lilijisi zikozyanyo zibotu zinji zitugwasya kuzyiba mbotukonzya kuyiisya bamwi. Tulakonzya kwiiya zinji kujatikizya Samuele mbwaakayiisya Saulo, Elija mbwaakayiisya Elisha, Jesu mbwaakayiisya basikwiiya bakwe alimwi a Paulo mbwaakayiisya Timoteyo. Bwini mbwakuti, Jehova ngomwiiyi mubotu kwiinda boonse. Ncinzi ncotukonzya kwiiya kucikozyanyo cakwe?

Amweebelele VIDIYO yakuti Amwiiye Jehova Caboola Kukuyiisya Bamwi—Kabeela Buyo. Mpoonya mubuzye mubuzyo uutobela:

Nzintu nzi zyotatwe nzyotwiiya kujatikizya Jehova mbwayiisya bamwi?

Bwiinguzi

9. Ciiyo ca Bbaibbele Cambungano

(30 min.) lfb ciiyo 20-21