Izili Mukati
NSONDO YA JUNE 27, 2016–JULY 3, 2016
3 Amumanizye Mazwanga Munzila Yaluyando
Akaambo kakuti tatulondokede, zimwi ziindi tulakonzya kwiimpana abakwesu alimwi abacizyi. Mucibalo eeci, tulaiya njiisyo zyamu Bbaibbele izikonzya kutugwasya kumana mazwanga alimwi akuzumanana kuba muluumuno abamwi.
NSONDO YA JULY 4-10, 2016
9 “Kamuya Mukayiisye Bantu Bazisi Zyoonse Kuti Babe Basikwiiya”
Cibalo eeci cilatugwasya kubona kaambo ncotwaambila kuti Bakamboni ba Jehova mbabantu balikke munyika mazuba aano ibazuzikizya businsimi bwa Jesu bulembedwe mulugwalo lwa Matayo 24:14. Alimwi tulaiya ncocaamba kuba “bazubi babantu.”—Matayo 4:19.
NSONDO YA JULY 11-17, 2016
15 Ino Musala Buti Zintu Zyakucita?
Ciindi nomuyanda kusala cintu cimwi, sena inga mwiile kucita buyo kufwumbwa ncomuyeeya kuti cililuzi? Naa sena mubuzya bamwi kuti bamwaambile ncomweelede kucita? Cibalo eeci cilapandulula ikaambo ncotukonzya kusala kabotu kapati ikuti twabikkila maano kujatikizya mbwayeeya Jehova Leza.
NSONDO YA JULY 18-24, 2016
21 Sena Bbaibbele Licizumanana Kubucinca Buumi Bwanu?
Ambweni mwakacinca kapati mubuumi bwanu kamutanabbapatizyigwa. Pele sena mulimvwa kuti lino cilakatazya kapati kucinca muzintu zisyoonto kutegwa mumwiiye kabotu Jehova alimwi a Jesu? Cibalo eeci cipandulula ikaambo ncocikonzya kukatazya kapati kucinca mumbazu eezyi alimwi a Bbaibbele mbolikonzya kutugwasya.
NSONDO YA JULY 25-31, 2016
27 Amugwasyigwe Cakumaninina Azipego Zizwa Kuli Jehova
Mucibalo eeci, tulabandika ntenda njotweelede kutantamuka alimwi tulaiya mbotukonzya kugwasyigwa azipego zyoonse nzyatupa Jehova.