Amwiiye Zinji

SENA KULI NOMWAKALIBUZYIDE KALE MIBUZYO EEYI:

• Mbuti mboukonzya kukkomana mukwasyi wangu?

• Mbuti mbondikonzya kuba abalongwe ibali kabotu alimwi andime mbondikonzya kuba mulongwe uuli kabotu?

• Ino mbulangizi nzi buliko kujatikizya bayandwa bangu bafwide?

• Sena kupenga kuli nokuyoomana?

• Sena bantu bayakwiinyonyoona nyika mukuya kwaciindi?

• Sena zikombelo zyoonse ziyiisya kasimpe kujatikizya Leza?

MULAKONZYA KUBUJANA BWIINGUZI KUMIBUZYO EEYI ALIMWI AMIBUZYO IIMBI?

Amuunke awebbusaiti ya jw.org, yalo iijanika mumyaambo iinda ku 900. Awebbusaiti eeyi mulakonzya kujana makani aagwasya aajisi twaambo twiindene-indene.

Mulakonzya kwaakkomanina mavidiyo aatondezya bantu ibakali mubukkale bwiindene-indene balo ibakajana lukkomano alimwi balikkomene akaambo kantaamu njobakabweza. Bamwi bakali kubelesya misamu iikola mpoonya bamwi bakali baange. Bamwi baliyiide kapati.

Awebbusaiti ya jw.org mulakonzya kujana naa kukkopa Bbaibbele alimwi amabbuku manji aamba zyamu Bbaibbele kakunyina kubbadela. Njeeyi mitwe imwi yamabbuku aajanika:

• Mulakonzya Kukkomana Mumukwasyi Wanu

• Nzila Yakujana Lukkomano Mumukwasyi

• Makani Mabotu Aazwa Kuli Leza!