LAIBBULALI YAA INTANETI ya Watchower
Watchtower
LAIBBULALI YAA INTANETI
Chitonga
  • BBAIBBELE
  • ZYAKAMWAIGWA
  • MISWAANGANO
  • g21 No. 2 map. 7-9
  • Mbuti Tekinoloji Mboikonzya Kujatikizya Bana Banu?

Kunyina vidiyo aawa mpomwasala.

Vidiyo yakaka kulila.

  • Mbuti Tekinoloji Mboikonzya Kujatikizya Bana Banu?
  • Sinsimuka!—2021
  • Tutwe Twamakani
  • Makani Aakozyenye
  • NCOMWEELEDE KUZYIBA
  • NCOMUKONZYA KUCITA
  • Bana Amafooni Mapati—Cibeela 1: Sena Mwanaangu Weelede Kuba Afooni Mpati?
    Lugwasyo Kumukwasyi
  • Amumukwabilile Mwanaanu Kuzintu Ziletela Muzeezo Wakoonana
    Lugwasyo Kumukwasyi
  • Bana Amafooni Mapati—Cibeela 2: Kuyiisya Bana Kwaabelesya Kabotu Mafooni Mapati
    Lugwasyo Kumukwasyi
  • Sena Mwiibelesya Cabusongo Mincini Iisumpukide Yakutuminana Twaambo?
    Sinsimuka!—2015
Amubone Azimwi
Sinsimuka!—2021
g21 No. 2 map. 7-9
Bana bamisela yiindene-indene balalikondelezya kubelesya tuncini muciindi cakubelesya tutoyi naa kucita zisobano zimbi.

Mbuti Tekinoloji Mboikonzya Kujatikizya Bana Banu

Cilakatazya kapati kubantu bapati kubelesya zibelesyo zyatekinoloji zipya naa mapulogilamu mapya. Pele bana, tekkinoloji bakomena aanjiyo, aboobo ncintu cuuba-uba kapati kulimbabo.

Aciindi ncicona, bamwi bajana kuti bakubusi ibatola ciindi cinji kabali a Intaneti, kanji-kanji . . .

  • balaba acizibilizi kutuncini twabo.

  • balajatikizyigwa mukwaamba majwi mabi kulibamwi naa balo kwaambilwa majwi mabi.

  • balabona zintu ziletela muzeezo wakoonana, nokuba kuti tanaali makanze aabo.

NCOMWEELEDE KUZYIBA

Mwana musankwa ujisi fooni mpati mpoonya cakuyoowa ujala cido cakubbedilumu ciindi banyina nobainda.

CIZIBILIZI

Zintu zimwi zijanika a Intaneti alimwi azisobano zilabambwa amakanze aakuti kazikatazya kapati kuleka kuzibelesya. Bbuku litegwa Reclaiming Conversation lyaamba kuti: “Ma aapu aali mumafooni eesu akabambilwa kuti ciindi coonse katuli buyo amafooni.” Kulampa kwaciindi ncotutola kubelesya mapulogilamu atondezyegwa, kupa kuti basikwaapanga bajane mali manji.

NCOMWEELEDE KUYEEYA: Sena bana banu balatuyanda cakuzwa munzila tuncini twabo? Mbuti mbomukonzya kubagwasya kucibelesya kabotu ciindi ncobajisi?—BAEFESO 5:15, 16.

KWAAMBA MAJWI MABI KUCITWA A INTANETI

Bantu bamwi ciindi nobali a Intaneti, balaindila bukali, kubelesya majwi aacisapi, alimwi tababikkili maano mbobalimvwa bamwi—zintu zyalo zisololela kukucitila bamwi luta.

Bantu bamwi balacita zintu munzila iitali kabotu ciindi nobali a Intaneti akaambo kakuti cibapa kubikkilwa maano alimwi balayandisisya kuba ampuwo. Mucikozyanyo, ikuti muntu umwi wazyiba kuti kwakali kapobwe mpoonya tanaakatambidwe, ulakonzya kunyema alimwi akuyeeya kuti bantu bamwi tabali kabotu.

NCOMWEELEDE KUYEEYA: Sena bana banu bacita zintu zili kabotu kuli bamwi ciindi nobali a Intaneti? (Baefeso 4:31) Ino bacita buti ciindi nobabona naa kumvwa kuti bamwi bacita zintu kakunyina kubabikkilizya balo?

ZINTU ZILETELA MUZEEZO WAKOONANA

Intaneti yapa kuti cuube-ube kubona zintu zitali kabotu. Bazyali beleede kuzyiba kuti nokuba kuti zibelesyo zimwi zilakonzya kubagwasya kweendelezya nzyobabona bana babo a Intaneti, pele zimwi ziindi tazibeleki aboobo bana balakonzya kuzibona zintu zibyaabi.

Kutuma naa kutambula zintu ziletela muzeezo wakoonana, kanji-kanji kwiinda mukubelesya mafooni, kulakonzya kuti kakutazumizyidwe amulawo. Zimwi ziindi kweelana amilawo yakubusena ooko, bana ibatuma zintu ziletela muzeezo wakoonana kubananyina naa ibazyeebelela balakonzya kupegwa mulandu.

NCOMWEELEDE KUYEEYA: Mbuti mbomukonzya kubagwasya bana banu kukaka kuyungwa kweebelela naa kutuma zifwoto ziletela muzeezo wakoonana a Intaneti?—BAEFESO 5:3, 4.

NCOMUKONZYA KUCITA

AMUBAYIISYE BANA BANU

Nokuba kuti ncuuba-uba kubana kubelesya tekinoloji kakunyina buyumuyumu, bayandika busolozi. Bbuku litegwa Indistractable lyaamba kuti kupa bana fooni naa kancini kambi buyo kabatanaba aluzyibo lwakukabelesya kabotu, cili “mbuli kubazumizya kusotokela mumaanzi kabatacizyi kusaya.”

NJIISYO YAMU BBAIBBELE: “Koyiisya mwana inzila njayelede kweendela; noliba leelyo aakukomena takazwi mulinjiyo pe.”—TUSIMPI 22:6.

Amusale nzila nzyomuyanda kusola kubelesya, naa kulilembela mizeezo yanu.

  • Kubandika amwanaangu mbwakonzya kulilemeka kabotu a Intaneti

  • Kugwasya mwanaangu kulwana kulimvwa kwiindwa ambali

  • Kucita zyoonse nzyondikonzya kukwabilila mwanaangu kuzintu zibi izijanika a Intaneti

  • Kulingula fooni yamwanaangu ciindi aciindi

  • Kubikka bulamfwu bwaciindi mwanaangu ncayelede kuzumizigwa kubelesya fooni buzuba abuzuba

  • Kutazumizya mwanaangu kuba atuncini mubusena mwali alikke, kwaambisya ciindi nayelede koona

  • Kukasya kubelesya tuncini ciindi mukwasyi nouli mukulya

MIBUZYO NJOBEELEDE KUBANDIKA BAZYALI

  • Sena tuzumizya bana kubelesya fooni naa kancini kambi buyo kutegwa tutabi amulimo wakubalanganya?

  • Sena mwaneesu uyandika kancini kajisi Intaneti? Ikuti naa mboobo, nkaambo nzi?

  • Sena inga twacikonzya kupa mwaneesu kancini kajisi Intaneti?

  • Mbuti mwaneesu mbwaatondezya kale kulilesya?

  • Mbuti mwaneesu mbwaatondezya kuti ulilibambilide kubambulula ciindi naalubizya?

  • Milawo nzi njotweelede kubikka?

  • Mbuti mbotukonzya kumugwasya mwaneesu kubona kuti ciindi coonse tacimanini akancini kakwe?

    NJIISYO YAMU BBAIBBELE: ‘Bantu basimide . . . balaamaano aayiisyidwe kwaandaanya ciluzi acitaluzi kwiinda mukwaabelesya.’—BAHEBRAYO 5:14.

Ba Laureta aba David.

“Nkaambo nzi bana banu ncobayandila fooni? Ino fooni yanu baibelesya buti? Ino balaakuunka kumawebbusaiti nzi? Ino mageemu nzi ngobasobana? Batola ciindi cilamfwu buti kwiibelesya? Amusole kubona bana banu naa balisimide alimwi akulilesya kamutaningabapa kancini.”​—BA LAURETA, ABALUMI BABO BA DAVID.

    Chitonga Publications (1991-2025)
    Log Out
    Log In
    • Chitonga
    • Amutumine Bamwi
    • Makani Ngomuyanda
    • Copyright © 2025 Watch Tower Bible and Tract Society of Pennsylvania
    • Nzyomweelede Kuzumina
    • Mulawo Uujatikizya Kubamba Maseseke
    • Privacy Settings
    • JW.ORG
    • Log In
    Amutumine Bamwi