Mbuti Mbomukonzya Kuliyumya Munyika Iizwide Mapenzi?
Sena mulimvwa kuti mapenzi aali munyika mazuba aano amukatazya kapati kwiinda kaindi? Akati kazintu zili ansi aawa, sena kuli zimwi zicitika kubusena nkomukkala?
nkondo
malwazi aayambukila
ntenda zilicitikila
bucete
lusalululo
bugwebenga
Ciindi nokwacitika cintu cibyaabi, bantu banji ibacitikilwa cintu eeco inga balanyongana kapati alimwi akutyompwa. Ibamwi alabayuma mate, mane buya akubula nguzu zyakucita cintu cili coonse. Pele kuzumanana kutyompwa alimwi akunyongana akaambo kakucitikilwa cintu cibyaabi, kulakonzya kupa buyo kuti zintu ziindile buya kubija.
Ciindi nomwacitikilwa cintu cibyaabi, cilayandika kapati kubikkila maano kukukwabilila bayandwa banu, buumi bwanu, mali aanu azintu nzyomujisi alimwi azintu zimuletela lukkomano.
Ncinzi ncomukonzya kucita kutegwa zintu zibyaabi izicitika munyika iino zitamunyonganyi kapati?