NCOMUKONZYA KUCITA ZINTU NOZYADULA

Amuzizyibile Buyo Zintu Zitakonzyi Kucinca

Inga tiitwafwambaana kuzyiba kuti zintu ziyaabwiindila kudula kuti mali ngotuvwola aalo ayungizyigwa. Nokuba boobo, kuti zintu zyadula cakufwambaana, pele mali ngotuvwola kaatayungizyigwi inga twatalika kulibilika akutyompwa ikwaambisya kuti katujisi mukwasyi.

Tatukonzyi kulesya zintu kudula, pele tulakonzya kugwasyigwa kuti twafwambaana kuzyibila kuti zintu inga tiitwazicinca.

IKAAMBO NCOCIYANDIKA

Bantu ibafwambaana kuzyibila kuti naa zintu zyadula . . .

balakkazika moyo. Ciindi notukkazikide moyo inga tuyeeya kabotu alimwi tusala cabusongo.
balazitantamuka zintu zitakonzyi kubagwasya. Mucikozyanyo inga tiicaba cabusongo kutabbadelela zintu ziyandika kapati naa kubelesya mali kuula zintu zitayandiki.
balasolekesya kutasyupana abanamukwasyi mumakani aamali.
balasala ncobakonzya kucita kutegwa baule zintu ziyandika. Eeci cibikkilizya kubelesya mali masyoonto akubona zintu ziyandika kapati.

NCOMUKONZYA KUCITA

Amukuzumine kucinca. Ciindi zintu nozyadula cakufwambaana, ncabusongo kutaabelesya cabuyamba mali ikuti naa kacikonzyeka. Bantu bamwi bapona buumi budula kakuli bajisi mali masyoonto. Balaluba kuti mali alakonzya kumena mababa akumana. Nobapona buumi buli boobu, baliletela bucete. Masimpe ngakuti, mweelede kubalanganya banamukwasyi alimwi akubajanina nzyobayandika. Mutalubi kuti bayandika ciindi canu, kutondezyegwa luyando alimwi kwiinda zyoonse ikubikkilwa maano.

“Ino nguni akati kanu kwiinda mukulibilika uukonzya kulansya buumi bwakwe naaceya?”—Luka 12:25.

“Mutanoolibiliki zyabuzuba butobela, nkaambo buzuba butobela bunoojisi zyakulibilika nzyambubo. Buzuba bumwi abumwi bulijisi mapenzi aakkwene.”—Matayo 6:34.

Kupona buumi busumpukide nokuba kuti mujisi mali masyoonto, kuli mbuli kuyamba naa kudwaya kutozya nkwaazwa maanzi aakunka