LAIBBULALI YAA INTANETI ya Watchower
Watchtower
LAIBBULALI YAA INTANETI
Chitonga
  • BBAIBBELE
  • ZYAKAMWAIGWA
  • MISWAANGANO
  • my makani 87
  • Mwana Jesu mu-Tempele

Kunyina vidiyo aawa mpomwasala.

Vidiyo yakaka kulila.

  • Mwana Jesu mu-Tempele
  • Bbuku Lyangu lya Makani Aamu Bbaibbele
  • Makani Aakozyenye
  • Jesu Uucili Mwana
    Ziiyo Nzyomukonzya Kwiiya Kuzwa mu Bbaibbele
  • Mukwasyi wa Jesu Waunka ku Jerusalemu
    Jesu—Nenzila, Ngokasimpe, Mbobuumi
  • Jesu Wakaiya Kumvwida
    Ngazi Yamulindizi—2010
  • Mibuzyo Yabasikubala
    Ngazi Yamulindizi Yaambilizya Bwami bwa Jehova (Yakwiiya)—2023
Amubone Azimwi
Bbuku Lyangu lya Makani Aamu Bbaibbele
my makani 87

MAKANI 87

Mwana Jesu mu-Tempele

LANGA mwana musankwa ooyu nkwaambaula kuli bamadaala aaba. Aaba mbafwundisi mutempele lya Leza mu Jelusalemu. Imwana ooyu ngu Jesu. Wakomena-komena. Lino ulijisi myaka iili 12.

Bafwundisi balamwa kapati kubona kuti Jesu ulizyi zinji zya Leza alimwi azintu zimwi zilembedwe mu Bbaibbele. Ino nkaambo nzi Josefa a Maliya ncobatako abalo aano? Ino bali kuli? Atubone nkobabede.

Amwaka Josefa ulaleta mukwasyi wakwe ku Jelusalemu kupobwe liyandika kapati liitwa kuti Pobwe lya Kwiindilila. Musinzo kuzwa ku Nazaleta kuya ku Jelusalemu. Taku uujisi mootoka alimwi taku zitima. Tiibakajisi zyakweendela mazuba aayo. Ibunji bwabantu beenda amaulu, alimwi cilabatolela mazuba aatandila kuli otatwe kusika ku Jelusalemu.

Lino Josefa ulijisi mukwasyi mupati. Aboobo kuli abace ba Jesu basankwa abasimbi mbobeelede kulanganya. Aboobo uno mwaka Josefa a Maliya banyamuka abana babo lweendo lulamfwu kujokela ku Nazaleta. Bayeeya kuti Jesu nkwali uleenda munkamu. Pele baime abusena bumwi nilyabbila zuba, bajana kuti Jesu tako. Bamulangaula kuli bamukowa wabo alimwi akubeenzyinyina, pele bajana kuti tako akwalo. Aboobo bajokela ku Jelusalemu kwaakumulangaula.

Limwi bamujana Jesu kuno kali abafwundisi. Ulaswiilila nzyobaamba alimwi ulababuzya mibuzyo. Bantu boonse balamwa kubona busongo Jesu mbwajisi. Pele Maliya wati: ‘Mwanike iwe, ino nkaambo nzi ncocaalila munsi? Baswaanu andime catukopa cakuti twalema kukulangaula.’

Jesu waingula kuti: ‘Ino mwali kulipenzyela nzi kundilangaula? Hena tamuzyi kuti ndeelede kuba kuŋanda ya Taata?’

Ee, Jesu uyandisya kuba kooko nkwakonzya kwiiya zya Leza. Hena tabuli mbombubo oobo mbotweelede kulimvwa andiswe? Nali kumunzi ku Nazaleta, Jesu inga wali kuunka kumiswaangano ansondo kwaakukomba. Akaambo kakuti lyoonse wali kuswiililisya, waiya zintu zinji zyamu Bbaibbele. Atube mbuli Jesu akuccilila cikozyanyo cakwe.

Luka 2:41-52; Matayo 13:53-56.

    Chitonga Publications (1991-2024)
    Log Out
    Log In
    • Chitonga
    • Amutumine Bamwi
    • Makani Ngomuyanda
    • Copyright © 2025 Watch Tower Bible and Tract Society of Pennsylvania
    • Nzyomweelede Kuzumina
    • Mulawo Uujatikizya Kubamba Maseseke
    • Privacy Settings
    • JW.ORG
    • Log In
    Amutumine Bamwi