Inyika ya-Paradaiso

Jehova uyoogwisya bubi boonse obo mbwaacita Saatani. Jehova wabika Jesu kuba Mwami anyika yoonse. Ansi abulelo bwakwe, inyika yoonse iyooba paradaiso.—Daniele 7:13, 14; Luka 23:43.

Jehova usyomezya zintu ezi:

• ZYAKULYA ZINJI: “Nyika yapa micelo yayo; Leza, Leza wesu, watulongezya.” “Maila avule ansi, atala lyazilundu.”—Intembauzyo 67:6; 72:16.

• TAKUKABI LIMBI INKONDO: “Amuze, mubone milimo ya-Jehova mbwiibede, malweza ngaacitide ansi. Ulalesya inkondo mane kusikila kumamanino aanyika.”—Intembauzyo 46:8, 9.

• KWIINA BANTU BABI: “Nkaambo basizibi balanyonyooka . . . Kaba kaindi kaniini sizibi takooyooba wo; unooyeeya nkwaakabede, pele takooyooba nkuko.”—Intembauzyo 37:9, 10.

• 

  KWIINA KUCISWA, KUUSA, NA LUFU: “Lino meso aaboofu ayoobononona, amatwi aabasinke ayoosinkuka. Cilema unooya busotauka mbuli insya, alulimi lwasyataambi luyooimbisya.”—Isaya 35:5, 6.

  “Alakwe Leza mwini uzookala kulimbabo . . . Nkabela uyoosindula misozi yoonse kumeso aabo, takukooyooba limbi lufu, nikuba kuomoka nikuba kulila nikuba kuciswa, nkaambo zintu zyakale zyamaninina.”—Ciyubunuzyo 21:3, 4.

Kutali mbuli Saatani amadaimona, Jehova takwe nabeja. Zyoonse nzyasyomezya zyeelede kuba masimpe. (Luka 1:36, 37) Jehova ulamuyanda alimwi uyanda kuti kamupona mu-Paradaiso eyo njayoobamba. Aboobo amujane Bakamboni ba-Jehova kuti mwiiye zinji zijatikizya bwini bukondelezya bujanwa Mujwi lya-Leza. Ikuti na mwabika bwini mubuumi bwenu, muyooanguluka kuzwa kubuzike bwakubeja, kuyoowa zitazizilwe, akutaziba. Muciindi, muyooangununwa kuzwa kubuzike bwabubi alufu. Mbubonya mbuli mbwakaamba Jesu kuti: “Muyooziba bwini, abwalo bwini buyoomunununa.” —Johane 8:32.