Jerusalemu A Tempele Jesu Nzyaakazyibide
KAKUTANAINDA ciindi cilamfwu kuzwa naakazyalwa Jesu, ba Josefa a Mariya bakamutola kumunzi Bausyi bakujulu nkobakakkazikide zina Lyabo—nkokuti ku Jerusalemu. (Lk 2:22-39) Naakali amyaka yakuzyalwa iili 12, Jesu alimwi wakaliko ooko lyapobwe Lyakwiindilila. Wakabalamya bamayi bakali kutempele akaambo kaluzibo ndwaakajisi. (Lk 2:41-51) Imulimo wakali kucitwa aamaanda aatempele eelyo, nkokuti cibeela cabuyake bwa Heroda Mupati wakazumanana ‘kwamyaaka yiinda kumakumi one amusanu muumwi.’—Joh 2:20.
Naakali kucita mulimo wakwe, Jesu wakali kujanika kumapobwe aakali ku Jerusalemu, ooko bunji bwaziindi nkwaakali kuyiisyila makamu-makamu aabantu. Ziindi zyobile wakabatanda mulubuwa lwatempele basikucincana mali alimwi abasambazi.—Mt 21:12; Joh 2:13-16.
Kunyika kwatempele, kukaziba ka Betesda, Jesu wakaponya mwaalumi wakali kuciswa kwamyaka iili 38. Alimwi Mwanaa Leza wakaponya mwaalumi moofwu, wakamwaambila kuti akasambe mukaziba ka Siloamu kakali kumusanza kwamunzi.—Joh 5:1-15; 9:1, 7, 11.
Jesu wakali kubaswaya-swaya balongwe bakwe ba Lazaro, Mariya a Marta ku Betaniya, “ikulampa mamaile aatandila kuli obile” kuya kujwe kwa Jerusalemu. (Joh 11:1, 18, bupanduluzi buyungizyidwe mu New World Translation of the Holy Scriptures-With References; 12:1-11; Lk 10:38-42; 19:29; amubone “Mpoyakabede Jerusalemu,” apeeji 18.) Kakusyeede mazuba masyoonto kuti afwe, Jesu wakasika ku Jerusalemu kwiinda mukubelesya nzila yiinda ku Cilundu ca Elaioni. Amweezeezye kuti muli mubwene waima akulanga kumbo ikuli munzi alimwi watalika kuulilila. (Lk 19:37-44) Nzyaakabona nozyali kukozyenye azeezyo nzyomubona atala apeeji litobela. Mpoonya wakanjila mu Jerusalemu katantide amwana wambongolo, icilangilwa kuti wakabelesya mulyango wamunzi umwi akati kayeeyo yakali kujwe. Imakamu-makamu aabantu akamutambula kali Mwami wa Israyeli wakumbele.—Mt 21:9-12.
Izintu ziyandika izyakacitika katanafwa Jesu zyakacitikila mumasena aali mu Jerusalemu naa munsi-munsi: imuunda wa Getesemane, ooko Jesu nkwaakapaila; iŋanda ya Nkuta Mpati; iŋanda ya Kayafa; imunzi wabwami wa Mweendelezi Pilato alimwi aku Golgota.—Mk 14:32, 53–15:1, 16, 22; Joh 18:1, 13, 24, 28.
Naakabusyigwa, Jesu wakalibonya mu Jerusalemu alimwi amumasena aayengelede. (Lk 24:1-49) Mpoonya wakapilukila kujulu kuzwa a Cilundu ca Elaioni.—Ic 1:6-12.
[Citondezyo cili apeeji 31]
(Kutegwa mubone bwini mbwaakkede mabala, amubone bbuku lini)
Jerusalemu/Tempele lya Heroda
Zibeela Zya Tempele
1. Busena Busalalisya
2. Busena Busalala
3. Cipaililo Cazituuzyo Zitentwa
4. Ciziba Camukuba
5. Lubuwa lwa Bapaizi
6. Lubuwa lwa Israyeli
7. Lubuwa lwa Bamakaintu
8. Lubuwa lwa Bamasi
9. Cisinkilizyo (Soreg)
10. Minsende Yakkota lya Mwami
11. Minsende Yakkota lya Solomoni
TEMPELE
Mulyango
Lubuwa lwa Bapaizi
Mulyango
Busena Cipaililo
Busalalisya Busena Cazituuzya Lubuwa lwa Lubuwa lwa
Busalala Zitentwa Israyeli Bamakaintu
Ciziba
Camukuba
Mulyango
Cisinkilizyo (Soreg) Minsende Yakkota
lya Solomoni
Lubuwa lwa Bamasi
Mulyango
Minsende Yakkota lya Mwami
Milyango
Ŋanda Ndamfwu ya Antonia
Bbiliki
Ŋanda ya Nkuta Mpati?
MUMPATA WA TYROPOEON
Kaziba ka Siloamu
Mugelo Wameenda
Ŋanda ya Kayafa?
Munzi Wabwami wa Mweendelezi
Golgota?
Golgota?
Kaziba ka Betesda
Muunda wa Getesemane?
CILUNDU CA ELAIONI
MUMPATA WA KEDRONI
Kasensa ka Gihoni
Eni-rogeli
MUMPATA WA HINOMO (GEHENA)
[Zifwanikiso izili apeeji 30]
Mbokuboneka kujwe kwiindilila aali Jerusalemu yasunu: (A) busena aakali tempele, (B) muunda wa Getesemane, (C) Cilundu ca Elaioni, (D) inkanda ya Judaya, (E) Lwizi Lutakwe Zilenge Zyuumi
[Cifwanikiso icili apeeji 31]
Mbokwakali kuboneka kumbo kukulangila a Cilundu ca Elaioni kuciindi ca Jesu