Ino Ncinzi Cakacitika Nobakamumvwida Saatani?

Ba Adamu a Eva tiibakamumvwida Leza, aboobo bakafwa. Matalikilo 3:6, 23

Eva wakamvwida nzoka akulya mucelo. Naakamana wakapa Adamu mpoonya awalo wakalya.

Eeci ncobakacita tiicakaluzi pe​—cakali cibi. Leza wakabatanda mumunzi wabo wa Paradaiso.

Buumi bwakabayumina antoomwe abana babo. Bakacembaala akufwa. Tiibakaunka kunyika yamyuuya; bakazita.

Bafwide balajokela kubulongo. Matalikilo 3:19

Toonse tulafwa akaambo kakuti tuli bana baba Adamu a Eva. Bafwide tabakonzyi kubona naa kumvwa naba kucita cintu cili coonse.—Mukambausi 9:5, 10.

Jehova tanaakali kuyanda kuti bantu kabafwa. Lino-lino uyoobabusya bantu bafwide. Ikuti bakamumvwide, bayoopona kukabe kutamani.