CIIYO 6

Ino Ncinzi Ncotwiiya Kuzambangulwe?

Leza wakabanyonyoona basizibi pele wakafwutula Nowa amukwasyi wakwe. Matalikilo 7:11, 12, 23

Bwato bulaibauka, bantu babi banyikila, mpoonya bangelo bazangi basiya mibili yabo yanyama

Imvwula yakawa mazuba aali 40 masiku amasyikati, alimwi maanzi akapaya nyika yoonse. Bantu boonse ibakali kucita zibi bakafwa.

Bangelo ibakazanga bakasamununa mibili yabuntu akuba madaimona.

Nowa, mukwasyi wakwe, alimwi abanyama bazwa mubwato mpoonya kujulu kulibonya fulicoongo

Bantu ibakali mubwato bakafwutuka. Nokuba kuti Nowa amukwasyi wakwe bakazoofwa, Leza uyoobabusya kutegwa bakapone kukabe kutamani.

Leza uyoobanyonyoona basizibi akufwutula bantu bacita zintu zibotu. Matayo 24:37-39

Saatani amadaimona aakwe babelesya nzila zisiyene-siyene kweena bantu

Saatani amadaimona bazumanana kweena bantu.

Mazuba aano, bantu banji balabukaka busolozi bubotu bwa Jehova mbubonya mbocakabede mumazuba aa Nowa. Lino-lino Jehova uyoobanyonyoona boonse bacita zibi.—2 Petro 2:5, 6.

Bakamboni ba Jehova babelesya Bbaibbele kukambaukila mwaalumi; mwaalumi ubala Bbaibbele

Bamwi bantu bali mbuli Nowa. Balamumvwida Leza akucita nzyabaambila. Ibantu aaba Mbaakamboni ba Jehova.