Ngazi ya Babelo

Nolyakainda Zambangulwe, bana ba Nowa abamakaintu babo bakazyala bana banji. Mikwasyi yabo yakakomena, aboobo bakamwaika mumasena aaindene-indene munyika mbubwenya Jehova mbwaakabaambila kuti bacite.

Pele mikwasyi imwi yakamuzangila Jehova. Bakati: ‘Atuliyakile munzi alimwi angazi iisika kujulu, alimwi atulipangile zina ilili aampuwo kutegwa tutamwaikizyanyi munyika yoonse.’

Jehova tanaakakkomana anzyobakali kucita bantu aaba, aboobo wakayeeya kuti abakasye. Sena ulizyi ncaakacita? Cakutayeeyela wakapa kuti batalike kwaambaula myaambo iindene-indene. Mbwaanga bakacileka kumvwana mukwaambaula, tiibakazumanana kuyaka pe. Munzi ngobakali kuyaka wakazikwiitwa kuti Babelo, nkokuti “Manyongwe.” Bantu bakatalika kulongela mumasena aaindene-indene munyika yoonse. Alimwi bakazumanana kucita zintu zibi mumasena oonse mobakalongela. Sena kwakali bamwi ibakacili kumuyanda Jehova? Cibalo citobela cilatwaambila.