LAIBBULALI YAA INTANETI ya Watchower
Watchtower
LAIBBULALI YAA INTANETI
Chitonga
  • BBAIBBELE
  • ZYAKAMWAIGWA
  • MISWAANGANO
  • lfb ciiyo 54 p. 130-p. 131 munc. 1
  • Jehova Wakamukkazikila Moyo Jona

Kunyina vidiyo aawa mpomwasala.

Vidiyo yakaka kulila.

  • Jehova Wakamukkazikila Moyo Jona
  • Ziiyo Nzyomukonzya Kwiiya Kuzwa mu Bbaibbele
  • Makani Aakozyenye
  • Wakaiya Ciiyo Cakuba Aluse
    Amwiiye Lusyomo Lwabo
  • Bbuku Lyamu Bbaibbele Lyanamba 32—Jona
    “Magwalo aya Oonse” Alasyomeka Alimwi Alagwasya, Volyumu 15
  • Jona Answi Mpati
    Bbuku Lyangu lya Makani Aamu Bbaibbele
  • Wakaiya Kuzwa Kukulubizya Kwakwe
    Amwiiye Lusyomo Lwabo
Amubone Azimwi
Ziiyo Nzyomukonzya Kwiiya Kuzwa mu Bbaibbele
lfb ciiyo 54 p. 130-p. 131 munc. 1
Jona wabbila mumaanzi ciindi muswi noowiinda ambali

CIIYO 54

Jehova Wakamukkazikila Moyo Jona

Mucisi ca Asuri, mumunzi wa Nineve, bantu bakali kucita zibi. Jehova wakaambila musinsimi wakwe Jona kuti aunke ku Nineve kuyoocenjezya bantu kuti baleke kucita zibi. Pele Jona wakatija akuunka kumbi. Wakatanta bwato ibwakali kuya ku Tarisi.

Bwato nobwakali mulwizi, kwakaboola guwo pati, alimwi basikweenzya bwato bakayoowa kapati. Bakapaila kuli baleza babo akwaamba kuti: ‘Ino ncinzi capa kuti eeci cicitike?’ Kumamanino Jona wakabaambila kuti: ‘Ndime ndapa kuti cibe boobu. Nditija mulimo Jehova ngwaakandaambila kuti ndicite. Amundisowele mulwizi, eelyo guwo lilaleka.’ Basikweenzya bwato tiibakali kuyanda kumusowela mulwizi Jona, pele walo wakazumanana. Nobakamusowela mulwizi, iguwo lyakaleka.

Jona wakali kuyeeya kuti ulafwa. Naakali kuyaabubbila kuyaansi eeni aalwizi, wakapaila kuli Jehova. Mpoonya Jehova wakatuma muswi. Muswi ooyo wakamumena Jona, pesi tanaakafwa pe. Kali mwida lyamuswi, Jona wakapaila kuti: ‘Ndasyomezya kuti ndinookumvwida lyoonse.’ Jehova wakamukwabilila Jona mwida lyamuswi mazuba otatwe, kumane muswi wakamuluka Jona anyika njumu.

Mbwaanga Jehova wakamufwutula Jona, sena eeci cakali kwaamba kuti teelede kuunka alimwi ku Nineve? Peepe. Jehova wakamwaambila alimwi Jona kuti aunke ku Nineve. Lino Jona wakamvwida. Wakaunka akwaambila bantu aabo babi kuti: ‘Kwainda buyo mazuba aali 40, Nineve uyoonyonyoonwa.’ Kumane cintu catakali kuyeeyelwa cakacitika—bana Nineve bakaswiilila akuleka kucita zibi. Mwami waku Nineve wakaambila bantu bakwe kuti: ‘Amupaile kuli Leza akweempwa. Ambweni inga watulekelela.’ Jehova naakabona kuti bantu beempwa, kunyina naakaunyonyoona munzi wa Nineve.

Jona wasika ku Nineve

Jona wakanyema akaambo kakuti munzi tiiwakanyonyoonwa. Koyeeya buyo: Jehova wakamukkazikila moyo akumufwida luse Jona, pele walo tanaakabafwida luse bantu bamu Nineve. Muciindi caboobo, kacimidwe, wakaakukkala anze aamunzi mucimvwule cacisyango cili mbuli ceeco cizyala myuungu. Cisyango eeco cakayuma, aboobo Jona wakanyema kapati. Aboobo Jehova wakamwaambila kuti: ‘Ubikkila buyo maano kucisyango kwiinda bantu bamu Nineve. Ndakabafwida luse, aboobo bakafwutuka.’ Ino Leza wakali kupandulula nzi? Wakali kupandulula kuti bantu bamu Nineve bakali kuyandika kapati kwiinda cisyango cili coonse.

“Jehova . . . umukkazikila moyo nkaambo tayandi kuti muntu uuli woonse anyonyoonwe, pele uyanda kuti boonse bakonzye kweempwa.”—2 Petro 3:9

Mibuzyo: Ino nziiyo nzi Jehova nzyaakayiisya Jona? Ncinzi ncotukonzya kwiiya kuzwa kuli ceeco cakacitikila Jona?

Jona 1:1–4:11

    Chitonga Publications (1991-2024)
    Log Out
    Log In
    • Chitonga
    • Amutumine Bamwi
    • Makani Ngomuyanda
    • Copyright © 2025 Watch Tower Bible and Tract Society of Pennsylvania
    • Nzyomweelede Kuzumina
    • Mulawo Uujatikizya Kubamba Maseseke
    • Privacy Settings
    • JW.ORG
    • Log In
    Amutumine Bamwi