“Wakasofwaazya Cikombelo Cangu”​—Bukombi Busalala Bwasofwaazyigwa

Jehova wakali kubayanda akubalanganya bana Israyeli kabali ‘cintu cakwe ciyandisi.’ (Kul. 19:5, bupanduluzi buyungizyidwe) Pele balo ncobakacitila Jehova nkukomba baleza bakubeja mutempele ilyakali kwiitwa azina lyakwe! Bakamucisizya moyo Jehova akuleta masampu kulinguwe. Ino nkaambo nzi bana Israyeli ncobakasofwaala boobo? Ino ncinzi ncotukonzya kwiiya kubusinsimi bwa Ezekieli kujatikizya lunyonyooko lwa Jerusalemu? Alimwi nziiyo nzi nzyotukonzya kwiiya kubana Israyeli kujatikizya mbobakali kucita zintu amasi aakeengelede?