Nzyobeelede Kuzyiba Basimuswaangano

MISWAANGANO YAALUBAZU

CIKOLO CABAKAMBAUSI BA BWAMI Bapainiya ibajisi myaka yakuzyalwa iili akati ka 23 a 65 ibayanda kuyungizya mulimo wabo, batambwa kujanika kumuswaangano wabasikulembela ku Cikolo Cabakambausi ba Bwami ciindi cakulyookezya mu Buzuba Bwatatu. Ibusena aciindi ziyakwaambilizyigwa.

MULIMO WAKU BBETELI Basikumwaya bamucisi babbapatizyidwe ibajisi myaka yakuzyalwa iili 35 akuyaansi alimwi ibayanda kuyoobelekela ku Bbeteli, beelede kulibambila kujanika kumuswaangano wabasikulembela mulimo waku Bbeteli ciindi cakulyookezya mu Buzuba Bwakusaanguna. Busena aciindi ziyakwaambilizyigwa.

NZYOBEELEDE KUZYIBA BASIMUSWAANGANO

AAKUKKALA Twamulomba kuti mubabikkile maano bamwi. Amuzyibe kuti inga mwajatila buyo busena bwabantu mbomwaboola limwi mumootokala, banamukwasyi naa aabo mbomwiiya limwi Bbaibbele. Twamulomba kuti mutabikki zintu mumasena ngomwatajatila.

BASIKUGWASYILIZYA Basikugwasyilizya nkobali kutegwa bamugwasye. Twamulomba kuti mubelekele antoomwe ambabo akutobela nzyobamwaambila kujatikizya kwakusiya myootokala, kujatila zyuuno, alimwi amutwaambo tumbi.

FIRST AID Dipatimenti eeyi ilanganya buyo NTENDA ZYACIBUKILAMBUTA.

LUBBAPATIZYO Kuyoobikkwa zyuuno zyabasikubbapatizyigwa kumbele lyacibumbili. Mu Buzuba Bwabili mafwumofwumo, basikubbapatizyigwa beelede kuti kabakkede abusena mpobabambilidwe kaatanatalika makani aalubbapatizyo. Umwi aumwi weelede kuletelezya taulu yakulipukutizya alimwi azisani zyabulemu zyakusama ciindi nabbapatizyigwa.

MULIMO WAKULISUNGULA Kuti mwalisungula kugwasyilizya mumulimo uujatikizya muswaangano, amubonane abamudipatimenti eeyi.

ZISWEEKA Ikuti mwabwezela cintu, mweelede kucitola ku Dipatimenti Yazisweeka. Ikuti naa mwasweekelwa cintu cili coonse, amuunke kudipatimenti eeyi. Ikuti bana basweeka, beelede kutolwa kudipatimenti eeyi. Nokuba boobo, dipatimenti eeyi tayeelede kubonwa kuti mbusena bwakulelela bana. Twamulomba kuti mubalanganye bana banu alimwi akuba ambabo lyoonse.

ZYAKUSANGA Kwabelesyegwa mali manji mukujana busena bwakukkala, imincini yamajwi alimwi akucita milimo minji iipa kuti kujanika kumuswaangano cibe cintu cikkomanisya alimwi icitugwasya kuba acilongwe a Jehova. Ikusanga nkomucita cakulisungula kulagwasya kubbadelela zintu eezyi alimwi akugwasyilizya mumulimo wanyika yoonse. Tubbokesi twakusangila itulembedwe tulibikkidwe abusena obuno. Kusanga kuli koonse kulalumbwa kapati. Bamu Kabunga Keendelezya balamulumba akaambo kabwaabi bwanu mukusumpula mulimo wa Bwami.