CIIYO 19
Makani Aanjila Mumoyo
Tusimpi 3:1
NCOMWEELEDE KUCITA: Amubagwasye baswiilizi banu kumvwisya mbwaayandika makani ngobaiya kutegwa babweze ntaamu.
MBOMUKONZYA KUCITA OOBO:
Amubagwasye baswiilizi banu kuti balilingule. Amubuzye mibuzyo iipa kuyeeya kutegwa mugwasye baswiilizi banu kuti balilingule kujatikizya mbobalimvwa.
Amubakulwaizye kuba amakanze mabotu. Amubakulwaizye baswiilizi banu kulilingula kuzyiba ikaambo ncobacitila milimo mibotu. Amubagwasye kuba amakanze mabotu, nkokuti ikuyanda Jehova, kuyanda bantunyina alimwi akuzikkomanina njiisyo zyamu Bbaibbele. Amubagwasye baswiilizi banu kukabona kaambo, muciindi cakubafwubaazya buya naa kubaubya-ubya. Muciindi cakubapa kuti bamvwe nsoni naa kulipa mulandu, amubagwasye kulimvwa kuti bakulwaizyigwa kumamanino aamubandi wanu, kabajisi makanze aakubweza ntaamu.
Amupe kuti Jehova alemekwe. Amutondezye njiisyo alimwi amalailile aamu Bbaibbele mbwaatondezya bube mbwajisi Leza alimwi aluyando ndwajisi kulindiswe. Amubagwasye baswiilizi banu kuyeeya mbwalimvwa Jehova alimwi akuyandisya kumukkomanisya.