Mibuzyo Yamu Bbaibbele Yaingulwa
Ino bantu bajisi bulangizi nzi bwakumbele?
ino lufwu lwa jesu lupa buti kuti cikonzyeke kuba aciinga cabantu babikkilana maano?
Tacidoonekwi kuti bantu banoozumanana kuyaambele mumakani aasayaansi. Pele sena kuli nobayookonzya kuba ciinga cabantu babikkilana maano? Peepe. Mazuba aano, nyika izwide kuliyanda abulyato. Nokuba boobo, Leza ujisi makanze mabotu kujatikizya bantu.—Amubale 2 Petro 3:13.
Ijwi lya Leza lyaamba kuti kumbele, bantu nyika yoonse banoomvwana. Bantu banookkala cakuliiba, alimwi kunyina uuyoobanyonganya pe.—Amubale Mika 4:3, 4.
Ino kuliyanda kuyoogwisyigwa buti?
Kumatalikilo Leza wakalenga muntu kanyina muuya wakuliyanda. Pele kwiinda mukusala kutamumvwida Leza, muntu wakusaanguna wakasweekelwa kulondoka kwakwe. Twakakona muuya wakuliyanda kulinguwe. Nokuba boobo, Leza uyoobelesya Jesu kupa kuti bantu balondoke alimwi.—Amubale Baroma 7:21, 24, 25.
Kweelana akuyanda kwa Leza, Jesu wakafwa kali cipaizyo kutegwa amane mapenzi aakaboola akaambo kakutamvwida kwamuntu omwe. (Baroma 5:19) Aboobo Jesu wakapa kuti cikonzyeke kuba abulangizi bwakumbele butaliboteli ciindi bantu nobayakwaangununwa kumuuya wakuliyanda walo uupa kuyanda kucita zintu zitaluzi.—Amubale Intembauzyo 37:9-11.