Mweelwe uutabaliki ‘wankamu mpati’ yabantu ibazwa muzisi zyoonse bayoofwutuka lyankondo ya Amagedoni
Ncinzi Ncolyaamba Bbaibbele?
Ino Amagedoni Ninzi?
Bantu bamwi basyoma . . .
kuti nkunyonyoonwa kwanyika azilwanyo zya nuclear naa kunyonyoona nyika. Ino nywebo muyeeya buti?
Ncolyaamba Bbaibbele
Amagedoni ‘ninkondo yabuzuba bupati bwa Leza Singuzuzyoonse,’ inkondo yakunyonyoona basizibi.—Ciyubunuzyo 16:14, 16.
Ncinzi cimbi ncotukonzya kwiiya kuzwa mu Bbaibbele?
Kulwana kwa Leza munkondo ya Amagedoni, takuli kwakunyonyoona nyika, pele nkwiifwutula kutegwa itanyonyoonwi abantu.—Ciyubunuzyo 11:18.
Nkondo ya Amagedoni iyoomanizya nkondo zyoonse.—Intembauzyo 46:8, 9.
Sena cilakonzyeka kuyoofwutuka lyankondo ya Amagedoni?
Ino inga mwaingula buti?
Inzya
Peepe
Ambweni
Ncolyaamba Bbaibbele
“Nkamu mpati” yabantu ibazwa muzisi zyoonse bayoofwutuka “mumapenzi mapati,” alo aayoomana lyankondo ya Amagedoni.—Ciyubunuzyo 7:9, 14.
Ncinzi cimbi ncotukonzya kwiiya kuzwa mu Bbaibbele?
Leza uyanda kuti bantu banji bakafwutuke lyankondo ya Amagedoni. Uyoonyonyoona basizibi lilikke aakubona kuti tabeempwi.—Ezekieli 18:32.
Bbaibbele lilapandulula ncotweelede kucita kutegwa tukafwutuke lya Amagedoni.—Zefaniya 2:3.