“Babombe Myoyo Bayookona Nyika”

Bunji bwesu twakakubona kale kutalulama alimwi abantu banyina mulandu kabadyaamininwa. Sena kutalulama alimwi abubi kuli noziyoomana?

Lugwalo lwa Intembauzyo 37 mu Bbaibbele lulapa bwiinguzi alimwi abusolozi mbotweelede kutobela. Amubone ncolwaamba kujatikizya mibuzyo iitobela.

• Ino tweelede kubalanga buti aabo ibatupenzya?​—Kapango 1, 2.

• Ino ncinzi ciyoobacitikila bantu babi?​—Kapango 10.

• Ino ncinzi ciyoobacitikila aabo bacita zibotu?​—Kapango 11, 29.

• Ino ncinzi ncotweelede kucita lino?​—Kapango 34.

Majwi aakasololelwa amuuya aajanika kulugwalo lwa Intembauzyo 37 alatondezya caantangalala kujatikizya mbokuyooba kumbele kuli baabo ‘balangila Jehova akutobela nzila yakwe.’ Bakamboni ba Jehova inga bakkomana kumugwasya kwiiya Bbaibbele alimwi akuzyiba ncomweelede kucita kutegwa mukakkomane abayandwa banu mubuumi bubotu buboola kumbele.