Zyomweelede Kwaamba Kujatikizya Mamagazini

Ngazi Yamulindizi June 1

“Ibbuku lyamu Bbaibbele lya 1 Samuele likankaizya kaambo kakuti Leza uyanda kuswiililwa ababelesi bakwe. Sena kuli nomwakalibuzyide ikuti naa eeci caamba nzi? [Amulindile bwiinguzi.] Imagazini eeyi ilalanga-langa makani aakaindi ajatikizya basololi bana Israyeli ibakaswilila Leza alimwi abatakamuswiilila. Eeci cilatugwasya kulingula nzila njotutola.” Amubale 1 Samuele 15:22.

Ngazi Yamulindizi June 1

“Mazuba aano bantu banji balijatikizyidwe mukufwubaazya bamwi. Mbuti mbomweelede kucita ikuti mwafwubaazyigwa? [Amulindile bwiinguzi.] Nokuba kuti ŋambaudo iili boobu tiizumizyidwe, imagazini eeyi ilaamba mbocikonzya kugwasya kumvwisya twaambo itunga twapa kuti bamwi baambe cabukali kulindiswe.” Amubandike kaambo kali ku Tusimpi 19:11.

Ngazi Yamulindizi June 1

“Nokuba kuti bunji bwa bantu balaamba kujatikizya luumuno, bantu baalilwa kuleta lukamantano munyika. Sena muyeeya kuti lukamantano lwa nyika nciloto buyo? [Amulindile bwiinguzi.] Magazini eeyi ilaamba kujatikizya mfwulumende yalo iikonzya kuleta lukamantano munyika.” Amubale Intembauzyo 72:7, 8, akubaambila kuti muyoopiluka kutegwa mukabandike mbociyoocitika eeci.

Ngazi Yamulindizi June 1

“Ibbaibbele lilasyomezya buumi butamani. Sena muyeeya kuti bulumbu oobu inga twabubelekela buya? [Amulindile bwiinguzi. Mpoonya mubale Ba-Efeso 2:8, 9.] Imagazini eeyi ilabandika mbociyoojanwa cipego cabuumi butamani, kutali kwiinda mumilimo pele kwiinda mulusyomo alimwi aluzyalo lwa Leza.”