Zyakwaamba Kujatikizya Mamagazini

Ngazi Yamulindizi April–June

“Sena kuli nomwakanyemede akaambo kazyintu nzyobakamwaambila naa kumucita bantu bamwi? Ino muyeeya kuti ncinzi ncotweelede kucita ikuti twalijana mubukkale buli boobu? [Amulindile bwiinguzi.] Amubone ncolyaamba Bbaibbele kujatikizya ncotweelede kucita kuli baabo ibakonzya kutunyemya. [Amubale Matayo 18:21, 22.] Eeci cibalo citondezya ciiyo cakulekelela kweelana a Jesu mbwakamulekelela umwi wabasikwiiya bakwe.” Amutondezye cibalo citalikila apeeji 21.

Sinsimuka! April–June

“Muziindi eezyi zyamapenzi, bantu banji balimvwa kukatala akaambo kakubeleka kapati. Sena kuli nomwakalimvwa boobu? [Amulindile bwiinguzi.] Amubone lulayo oolu lubotu. [Amubale Mukambausi 4:6.] Magazini eeyi ilatwaambila mbotukonzya kulanganya mulimo amukwasyi wesu alimwi ambotukonzya kujana ciindi cakulyookezya. Alimwi ilapa twaambo tugwasya kuli baabo bayandaula milimo.”

Ngazi Yamulindizi April–June

Kuti mwajana mukubusi, mulakonzya kwaamba kuti: “Bakubusi banji mazuba aano cilabakatazya kumvwida bazyali babo. Sena muyeeya kuti cileelela kuti bazyali kabalangila bana babo kubamvwida? [Amulindile bwiinguzi, mpoonya amubale Ba-Efeso 6:1.] Eeyi magazini ijisi makani aatondezya kumvwida ncokuyandika alimwi ambuli Jesu Mwana wa Leza, naakali anyika, mbwaakali kulibombya kubazyali bakwe baanyika.” Amubatondezye cibalo citalikila apeeji 30.

Sinsimuka! April–June

“Bantu banji balalilemeka Ibbaibbele pesi bayeeya kuti talikonzyi kutugwasya kapati mazuba aano. Ino nywebo muyeeya buti? [Amulindile bwiinguzi. Mpoonya amubale Ba-Roma 15:4.] Eeyi magazini ilapandulula ikaambo zibeela zyamu Bbaibbele izyakalembwa kaindi mbozigwasya amazuba aano. Amubatondezye cibalo citalikila apeeji 26.