Amutondezye Nguzu Nzyolijisi Jwi lya Leza Mumulimo Wanu Wamumuunda

Ikuti muntu watuzumizya kuti tumukambaukile makani mabotu, tweelede kucibelesya kabotu ciindi eeco akutondezya nguzu nzyolijisi Jwi lya Leza kwiinda mukubala magwalo kuzwa mu Bbaibbele. Eeci cakakankaizyigwa amuswaangano waalubazu wainda. Mulangizi wabbazu wakapa makani aakajisi mutwe wakuti “Amutondezye Nguzu Nzyolijisi Jwi lya Leza Mumulimo Wanu Wamumuunda.” Sena mulituyeeyede twaambo tupati-pati?

• Nkaambo nzi ijwi lya Jehova ncolili aanguzu kapati kwiinda majwi eesu?—2Tim. 3:16, 17.

• Ino Bbaibbele libambulula buti mbwalimvwa muntu, mbwayeeya, makanze aakwe alimwi ambwalilemeka?—Amubone Ngazi Yamulindizi yamu June 15, 2012, peeji 27, munc. 7.

• Ciindi notubala lugwalo mubukambausi, ino inga twalibelesya buti Jwi lya Leza kutegwa bantu batondezye bulemu kulindilyo?—Amubone bbuku lya Cikolo Camulimo, peeji 148, minc. 3-4 alimwi a Mulimo Wesu wa Bwami wamu March 2013, peeji 6, munc. 8.

• Nkaambo nzi ncociyandika kupandulula alimwi akubandika magwalo ngotubala, alimwi ino inga twacita buti oobo?—Mil. 17:2, 3; amubone bbuku lya Cikolo Camulimo, peeji 154, munc. 4 kusikila kupeeji 156, munc. 5.