Bwami—Myaka Iili 100 Akuyakumbele

Aabo bayanda kuba balelwa ba Bwami bwa Leza beelede kwiiya zyoonse zijatikizya Bwami alimwi ancobwazuzikizya kale. Nkaambo nzi? Kucita boobo takukayumyi buyo lusyomo lwabo lwakuti Bwami bwa Leza bulalela, pele alimwi ciyoobakulwaizya kwaambila bamwi kujatikizya makani mabotu aa Bwami bwa Leza. (Int. 45:1; 49:3) Ciindi nomweebelela vidiyo yakuti The Kingdom—100 Years and Counting, amujane bwiinguzi kumibuzyo iitobela:

1. Ino nkaambo nzi “Photo-Drama of Creation” ncoyakali cilongezyo kuli baabo bakayeebelela?

2. Ino wailesi yakabelesyegwa buti mukukambaukila bantu makani mabotu?

3. Ninzila nzi zimwi izyakabelesyegwa kukambauka makani mabotu, alimwi ino zyakagwasya buti?

4. Ino nkusumpuka kuli buti kwaba mulwiiyo lujatikizya mulimo?

5. Ndwiiyo nzi lugwasya ilwakali kupegwa basicikolo ba Gileadi?

6. Ino miswaangano yacooko yagwasya buti kuyiisya bantu ba Jehova?

7. Ncinzi cimupa kusinizya kuti Bwami bwa Leza bulalela?

8. Mbuti mbotukonzya kugwasyilizya Bwami bwa Leza?