“Ndime Aano! Kondituma!”

Cilayandika kwiiya muuya wakulyaaba wa Isaya. Wakatondezya lusyomo aboobo cakufwambaana wakauzumina mulimo nokuba kuti tanaakazyi zyoonse zyakajatikizyidwe. (Is. 6:8) Sena inga mwabambulula bukkale bwanu kutegwa mukabelekele kubusena bubulide basikwaambilizya Bwami? (Int. 110:3) Masimpe, cilayandika “kubona mali aayandika” kujatikizya kulonga kuli boobo. (Lk. 14:27, 28) Nokuba boobo, muyandika kulisungula akuliimya zintu zimwi akaambo kamulimo wakukambauka. (Mt. 8:20; Mk. 10:28-30) Kweelana ambokwatondezyegwa mukavidiyo kakuti Kuunka Kubelekela kubusena kubulide, zilongezyo nzyotujana mumulimo wa Jehova zinji kapati kwiinda zintu zili zyoonse nzyotukonzya kuliimya.

MWAMANA KWEEBELELA VIDIYO, AMWIINGULE MIBUZYO EEYI IITOBELA:

• Ino nzintu nzi nzyobakaliimya bamukwasyi waba Williams kutegwa bacikonzye kuyoobelekela ku Ecuador?

• Ino nzintu nzi nzyobakalanga-langa ciindi nobakali kusala busena bwakuyoobelekela?

• Ino nzilongezyo nzi nzyobakajana?

• Ino nkuukuli nkomukonzya kujana makani manji aajatikizya kubelekela kubusena kubulide?

CIINDI CIBOOLA CAKUKOMBA MUMUKWASYI, AMUKABANDIKE MIBUZYO EEYI IITOBELA:

• Mbuti mbotukonzya kuyungizya mulimo wesu wakukambauka mbuli mukwasyi? (km 8/11 4-6)

• Ikuti naa katutakonzyi kuyoobelekela kubusena kubulide, muunzila nzi motukonzya kugwasya mbungano yesu? (w16.03 3-5)