Kukambauka makani mabotu ku Ghana
Zitondezyo Zyacikozyanyo
NGAZI YAMULINDIZI
Mubuzyo: Bantu bamwi bayeeya kuti Bbaibbele lyakaleka kubeleka, pele bamwi basyoma kuti licibeleka. Ino nywebo muyeeya buti?
Lugwalo: 2Tim. 3:16, 17
Kwaabila: Ngazi Yamulindizi eeyi ilaamba zikozyanyo zitondezya mbobugwasya busongo bwamu Bbaibbele alimwi ilatondezya nzila zikonzya kumugwasya kujana mpindu kapati ciindi nomubala Bbaibbele.
AMUYIISYE KASIMPE
Mubuzyo: Sena mamanino aanyika ali aafwaafwi?
Kaambo Kamasimpe: Businsimi bwamu Bbaibbele butondezya kuti tupona kumazuba aamamanino. Pele aaya makani mabotu—nkaambo caamba kuti ziindi zibotu zili afwaafwi kapati.
MAKANI MABOTU AAZWA KULI LEZA!
Kwaabila: Ndaboola kuti ndimwaambile kujatikizya ciiyo cesu ca Bbaibbele citabbadelelwi. Broshuwa eeyi ilatondezya nkomukonzya kujana bwiinguzi mu Bbaibbele lyanu kumibuzyo iiyandika kapati.
Mubuzyo: Sena kuli nomwakalibalide kale Bbaibbele? Amuleke ndimutondezye zibalo zili mubroshuwa eeyi mbozili zyuuba-uba. [Amubandike mubuzyo 1 wakusaanguna uuli mucibalo 2.]
AMULEMBE NZILA YANU NOBENI
Inga mwabelesya nzila zili muzitondezyo zyainda ikulemba nzila njomuyanda kuyoobelesya mumulimo wamumuunda.