Ino Lusyomo Lwanu Nduyumu Buti Muzisyomezyo zya Jehova?

Boonse bobilo Joshua alimwi a Solomoni bakasinizya kuti kunyina jwi noliba lyomwe lyakawida ansi akati kazisyomezyo zya Jehova. (Jos. 23:14; 1Bam. 8:56) Nzyobakaamba bakamboni aaba bobilo basyomeka ziyumya ntalisyo alo mpotukonzya kuyaka lusyomo lwesu.—2Kor. 13:1; Tit. 1:2.

Mbuti Jehova mbwaakazuzikizya zisyomezyo zyakwe mumazuba aa Joshua? Antoomwe amukwasyi wanu amweebelele vidiyo yacisobano cakuti ‘Taakwe Jwi Niliba Lyomwe Ilyakawida Ansi.’ Mwamana amulange-lange mibuzyo iitobela: (1) Ino mbuti mbomukonzya kwiiya micito ya Rahabu yalusyomo? (Heb. 11:31; Jak. 2:24-26) (2) Ino cikozyanyo ca Akani citondezya buti kuti kutamvwida acaali kuletela mapenzi? (3) Nokuba kuti baalumi bana Gibeoni bakali basikalumamba, ino nkaambo nzi ncobakamweena Joshua akupanga luumuno abana Israyeli? (4) Mbuti Jwi lya Jehova mbolyakazuzikizyigwa ciindi bami bosanwe bana Amori nobakakonga kulwana Israyeli? (Jos. 10:5-14) (5) Ino Jehova wamugwasya buti ciindi nomubikka Bwami bwa Leza abululami bwakwe mubusena bwakusaanguna mubuumi bwanu?—Mt. 6:33.

Notulanga zintu zyoonse Jehova nzyaakatucitila, nzyatucitila, alimwi anzyayootucitila, lusyomo lwesu muzisyomezyo zyakwe lulayuma.—Rom. 8:31, 32.