“Kufwumbwa Uuyanda Kuba Mupati Akati Kanu Weelede Kuba Mubelesi Wanu”

20:28

Balembi aba Farisi basikulisumpula bakali kuyanda kubonwa abantu alimwi akuba ampuwo. (Mt. 23:5-7) Jesu tanaakali boobo pe. ‘Mwanaamuntu wakaboola, ikutali kuzoobelekelwa, pele kuzoobeleka.’ (Mt. 20:28) Sena tubikkila kapati maano kumbazu zyabukombi izikonzya kutupa kuzyibwa naa kutembaulwa abantu? Ikuti naa tuyanda kuba bapati mumeso aa Jehova, tweelede kusolekesya kuba mbuli Jesu alimwi akubeleka canguzu kugwasya bamwi. Milimo iili boobu kanji-kanji ilacitwa kakunyina kubonwa abantu bambi—pele Jehova alikke nguuyibona. (Mt. 6:1-4) Mubelesi uulicesya . . .

• ulatola lubazu mukusalazya akubambulula Ŋanda ya Bwami

• ulagwasya bantu bacembeede alimwi abamwi

• ulasanga mali aakugwasyilizya ziyandika zya Bwami