Nokuba kuti Pobwe Lyakwiindilila tiilyakali kwiiminina Ciibalusyo, tulakonzya kwiiya zinji kukusekelela Pobwe Lyakwiindilila. Mucikozyanyo, mwaapostolo Paulo wakaamba Jesu kuti “imwanaambelele wesu wa Pobwe Lyakwiindilila.” (1Kor. 5:7) Mbubonya mbuli bulowa bwambelele ibwakazilwa amilyango mbobwakafwutula maumi abantu, bulowa bwa Jesu bufwutula maumi abantu. (Kul. 12:12, 13) Kuyungizya waawo, kunyina cifwuwa icakatyolwa camwanaambelele ca Pobwe Lyakwiindilila. Mbubonya buyo, kunyina cifwuwa ca Jesu nociba comwe icakatyolwa, nokuba kuti eeci cakali cilengwa buya ikuti muntu wajaigwa munzila eeyi.—Kul. 12:46; Joh. 19:31-33, 36.