Jehova Uyoomugwasya Kuba Basicamba

Ikuti naa muli basicikolo, sena kuli nomuyoowa kulizyibya kuti muli Bakamboni ba Jehova alimwi akukambauka? Ikuti kacili boobo, mbuti mbomukonzya kuba ‘basicamba’ kutegwa mucikonzye kwaambila bamwi kujatikizya Jehova? (1Tes. 2:2) Ino ntwaambo nzi tweelede kumupa kucita boobo? Mwamana kweebelela kavidiyo kakuti Jehova Uyoomugwasya Kuba Basicamba, amwiingule mibuzyo iitobela:

1. 

   Ino ncikozyanyo nzi camu Bbaibbele icakagwasya Sofiya kuba sicamba?

2. Ino Sofiya wakagwasyigwa buti kwiinda mukucita zitondezyo kuŋanda?

3. Nkaambo nzi ncomweelede kubakambaukila basicikolonyoko?

4. Ikuti naa tamucili basicikolo, ino nziiyo nzi nzyomwaiya mukavidiyo aaka?