Paulo Wakalomba Kuti Mulandu Wakwe Utolwe Kuli Kaisara Mpoonya Wakapa Bumboni ku Mwami Heroda Agripa

25:11; 26:1-3, 28

Nokuba kuti tatweelede kulibilika kujatikizya nzyotuyakwaamba ciindi ‘notwatolwa kubeendelezi abami,’ tweelede kuti ‘katulibambilide lyoonse kuliiminina’ kumuntu uuli woonse uukonzya kutubuzya kaambo kajatikizya bulangizi bwesu. (Mt. 10:18-20; 1Pet. 3:15) Ikuti basikukazya basola kuleta “mapenzi kwiinda mukubelesya mulawo,” mbuti mbotukonzya kwiiya cikozyanyo ca Paulo?—Int. 94:20.

• Tweelede kubelesya milawo yacisi kutegwa twiiminine makani mabotu.—Mil. 25:11

• Tweelede kutondezya bulemu ciindi notwaambaula abeendelezi.—Mil. 26:2, 3

• Ikuti kaceelela, tweelede kupandulula mbwaatugwasya makani mabotu alimwi ambwaabagwasya bamwi.—Mil. 26:11-20